Кіраўнік дэлегацыі ЭЗ на перамовах зь Лёнданам Мішэль Барнье раніцай у пятніцу, 25 сьнежня, паінфармаваў амбасадараў краінаў ЭЗ пра вынікі перамоваў з Вялікабрытаніяй.
У паведамленьні адзначаецца, што ў бліжэйшыя дні трэба будзе вывучыць дакумэнт аб’ёмам 1246 старонак.
Пагадненьне аб двухбаковым гандлі было дасягнутае 24 сьнежня ўсяго за некалькі дзён да выхаду Вялікабрытаніі з эўрапейскага ўнутранага рынку. Яно прадугледжвае свабодны гандаль і адсутнасьць мыта. У ім таксама прапісаныя палажэньні, якія тычацца будучага супрацоўніцтва Брусэлю і Лёндану ў сфэры паліцыі і юстыцыі, а таксама сацыяльнага забесьпячэньня грамадзянаў абодвух бакоў.
З боку ЭЗ гэтае пагадненьне яшчэ павінна быць ухваленае ўсімі 27 краінамі-чальцамі ЭЗ, а з боку Вялікабрытаніі — парлямэнтам. Бакі плянуюць задзейнічаць гэты дакумэнт у часовым рэжыме з 1 студзеня. Плянуецца, што Эўрапарлямэнт ратыфікуе пагадненьне задняй датай у пачатку 2021 году.
