Паводле інфармацыі праваабаронцаў, 14 лістапада супрацоўнікі КДБ зладзілі чарговы рэйд па ўсёй краіне.
Пад затрыманьні трапілі таксама і сваякі палітвязьняў. Па інфармацыі dissidentBY, арышты і вобшукі прайшлі ў многіх людзей на прадмет атрыманьня дапамогі.
«Краіна для жыцьця» паведаміла, што затрыманьні прайшлі таксама ў Горадзенскай вобласьці, Баранавічах і Менску.
Паводле інфармацыі «Нашай нівы», частка затрыманьняў зьвязаная з тым, што 29 кастрычніка КДБ прызнаў «экстрэмісцкім фармаваньнем» кааліцыю дваровых чатаў. Падобна, што ў той жа час ГУБАЗіК «адпрацаваў» некалькі прадпрыемстваў у рэгіёнах, дзейнічаў паралельна. ГУБАЗіК пераважна прыходзіў да людзей, якія траплялі пад увагу сілавікоў раней.
Новая хваля палітычных затрыманьняў пайшла па Беларусі яшчэ ў канцы кастрычніка, відавочна, у сувязі з пачаткам выбарчай кампаніі.
Кіраўнік BySol Андрэй Стрыжак напісаў, што ў іх каманды сёньня шмат працы:
«Уся служба эвакуацыі BySol працуе поўным складам у сувязі зь сёньняшняй аблавай. Заявак шмат. Выводзім людзей з-пад удару».
Форум