Першага прэм’ер-міністра Беларусі Вячаслава Кебіча пахаваюць 11 сьнежня на Ўсходніх могілках Менску.
З 11 да 13-й гадзіны пройдзе разьвітаньне ў Цэнтральным доме афіцэраў, паведаміў «Інтэрфакс-Захад».
Вячаслаў Кебіч памёр раніцай 9 сьнежня ад каранавірусу. Яму было 84 гады.
Кебіч быў першым прэмʼер-міністрам незалежнай Беларусі. Ён узначальваў урад з 1991 да 1994 году, калі прайграў прэзыдэнцкія выбары Аляксандру Лукашэнку.
