Затрыманьні і суды па адміністрацыйных справах працягнуліся ў Беларусі 5 чэрвеня. Свабода публікуе сьпіс затрыманых і пакараных.
Максымальны штраф – 540 рублёў
- Магілеўчанку Вольгу Лобан аштрафавалі на 540 рублёў за наведваньне 5 траўня сустрэчы з блогерам Сяргеем Ціханоўскім.
- Маладафронтаўца Віталя Трыгубава асуджаны ў панядзелак Кастрычніцкім судом Мінска на 5 сутак.
- Суд у Гомлі прысудзіў штраф адной зь лідэрак руху «Маці 328» Таццяне Канеўскай за «актыўны ўдзел у несанкцыянаванай акцыі». Маецца на ўвазе акцыя падтрымкі Сяргея Ціханоўскага, якая прайшла 7 траўня ў Гомлі. Канеўскую аштрафавалі на 324 рублёў.
- Праціўніка будаўніцтва акумулятарнага заводуў Берасьці Віталя Казака 5 чэрвеня аштрафавалі за непадпарадкаваньне міліцыі на 540 рублёў.
Каго затрымалі?
- У Віцебску затрымалі Яраслава Кійко, Аляксандра Якушкова, Уладзімера Мацкевіча, Алену Янушкоўскую.
- У Лідзе затрымалі актывіста «Народнай грамады» з Горадні Уладзімера Арцымана.
- У Мазыры сілавікі ў чорных масках затрымалі Аляксандра Цуканава аўтара канала «Мозырь для жизни».
- Другі дзень запар у Мазыры затрымліваюць фэрмэра і мадэрата сацыяльных сетак «Страны для жизни» Аляксандра Вянгуру.
- У Менску затрымалі Алену Лазорчык. Два дні яе настойліва запрашалі наведаць аддзяленьне міліцыі, але яна адмаўлялася. Сёньня, калі Алена выйшла з дому на працу, яе схапілі супрацоўнікі міліцыі і даставілі ў Кастрычніцкі РУУС Менска.
- На выхадзе са свайго дома затрымалі актывіста Валера Рабцава.
- Затрымалі Андрэя Новікава, які арганізоўваў пікеты па зборы подпісаў за Ціханоўскую ў Паставах, Варапаеве, Глыбокім.
- У Гомлі затрымалі прэтэндэнта ў кандыдаты Уладзіміра Няпомняшчых. Супрацоўнікі міліцыі паведамілі, што на яго складзены пратакол правапарушэньня.
