Улады Грузіі абвясьцілі пра этапы зьняцьця абмежаваньняў, уведзеных у сувязі з пандэміяй каранавірусу.
Пандэмія каранавірусу ў Беларусі і ў сьвеце. Як разьвіваюцца падзеі
Прэм’ер-міністар Грузіі Георгій Гахарыя сказаў, што грамадзкі транспарт, у тым ліку мэтро, запусьцяць 29 траўня. Ён дадаў, што маскі будуць абавязковымі.
Паводле яго, з 1 чэрвеня адчыняцца ўсе крамы, уключаючы гандлёвыя цэнтры і рэстарацыі на адкрытым паветры. А з 8 чэрвеня рэстарацыі змогуць аднавіць працу цалкам.
Таксама адкрыюцца гатэлі, якія пройдуць праверку Міністэрства аховы здароўя. З 8 чэрвеня ў краіне будзе запушчаны міжгародні транспарт. З 1 ліпеня Грузія плянуе адкрыць свае межы для турыстаў.
Колькасьць пацьверджаных выпадкаў каранавіруснай інфэкцыі ў Грузіі сёньня складае 735. За апошнія суткі ў краіне выявілі 3 новыя выпадкі.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
