Прэзыдэнт Расеі Ўладзімір Пуцін абвясьціў пра зьмякчэньне пэнсійнай рэформы, якую распрацаваў урад. Паводле яго слоў, пэнсійны ўзрост для жанчын будзе павышаны не на восем, а на пяць гадоў – да 60 гадоў. Для мужчын усё застаецца бязь зьменаў - да 65 гадоў.
Сёньня Ўладзімер Пуцін выступае з адмысловым тэлезваротам з нагоды павышэньня пэнсійнага ўзросту.
Пуцін высунуў пяць прапаноў, якія зьмякчаюць прапанаваную ўрадам рэформу:
- Жанчыны будуць выходзіць на пэнсію ў 60 гадоў, а не ў 63, як прапаноўвалася. Шматдзетныя маці змогуць выходзіць на пэнсію датэрмінова.
- Тым, хто выходзіць на пэнсію ў бліжэйшыя гады, даць права аформіць пэнсію на паўгода раней.
- Забясьпечыць дадатковыя працоўныя гарантыі людзям старэйшыя за 50 гадоў. Павялічыць дапамогі па беспрацоўі людзям старэйшага ўзросту.
- Захаваць льготы для людзей асабліва небясьпечных прафэсій: шахцёраў, работнікаў гарачых цэхаў, хімічных вытворчасьцяў і гэтак далей. Плаціць на 25% больш пэнсіянерам ў вёсцы.
- Паменшыць неабходны стаж для выхаду на пэнсію — з 45 да 42 гадоў для мужчын, з 40 да 37 для жанчын.
19 ліпеня Дзярждума Расеі ў першым чытаньні прыняла законапраект аб павышэньні пэнсійннага ўзросту ў Расеі. Яго павысілі з 55 да 63 гадоў для жанчын і з 60 да 65 гадоў для мужчын.
Улады 61 рэгіёну Расеі таксама далі станоўчы водгук на законапраект. Пры гэтым у дзясятках расейскіх гарадоў праходзяць акцыі пратэсту супраць павышэньня пэнсійнага ўзросту.
