Злучаныя Штаты могуць канчаткова спыніць фінансавую дапамогу Палестынскай аўтаноміі. Пра гэта паведамляе Нацыянальнае грамадзкае радыё ЗША са спасылкай на афіцыйныя крыніцы.
Эканамічная дапамога ў памеры 251 мільёны долараў была прыпыненая ў адказ на крытыку з боку Палестынскай адміністрацыі рашэньня прэзыдэнта ЗША Дональда Трампа афіцыйна прызнаць Ерусалім сталіцай Ізраілю.
Тады ж Вашынгтон замарозіў перадачу трохсот мільёнаў даляраў камітэту ААН па справах палестынскіх бежанцаў.
«Мы ахвяруем на карысьць палестынцаў сотні мільёнаў даляраў штогод і ня маем за гэта ад іх ні падзякі, ні павагі», — напісаў тады Трамп ў твітэры.
Паведамляецца, што днямі на падчас кансультацыі дзяржсакратара ЗША Майка Пампэо і дарадцы Трампа па Блізкім Усходзе Джарэда Кушнэра было вырашана зьвесьці да мінімуму трансфэрты палестынцам да канца бягучага фінансавага года.
З-пад эмбарга выведзеныя сродкі, прызначаныя для палестынскіх сілавых структур, якія супрацоўнічаюць з Ізраілем, каб гарантаваць бясьпеку на Заходнім беразе Ярдану. 25 мільёнаў даляраў будуць перададзеныя бальніцам ва Ўсходнім Ерусаліме, якія абслугоўваюць галоўным чынам арабскіх пацыентаў.
