Арганізацыі, якія трапілі ў топ-10 падаткаплатнікаў Менску, у студзені-сакавіку сплацілі ў гарадзкі бюджэт 916 мільёнаў рублёў. Гэта траціна ад усяго бюджэту сталіцы, паведамілі ў менскай інспэкцыі Міністэрства падаткаў і збораў.
За студзень-сакавік Менскі бюджэт папоўніўся на 2,9 мільярда рублёў. У параўнаньні зь мінулым годам гэта больш на 101,3 мільёна або на 3,6%.
Сёлета ў Менску працуюць 133,4 тысячы суб’ектаў гаспадараньня. Зь іх 60,4 тысячы арганізацый і 73 тысячы прыватных прадпрымальнікаў. Таксама падаткі сплачваюць 214 менчукоў.
Топ-10 падаткаплатнікаў Менску
- ААТ «Газпром трансгаз Беларусь»;
- ЗАТ «Беларуская нафтавая кампанія»;
- РУП «Менскэнэрга»;
- ТАА «Тытунь-інвэст»;
- ЗАТ «Менскі завод вінаградных вінаў»;
- мабільны апэратар МТС;
- мабільны апэратар Velcom;
- ААТ «Менск Крышталь»;
- ЗТАА «Лукойл Беларусія»;
- ТАА «Эўрагандаль».
