У часе мітынгу выступоўцы заклікалі шырока распаўсюджваць інфармацыю пра іншыя «беларускія курапаты»: па ўсёй краіне дзясяткі месцаў масавых расстрэлаў «ворагаў народу», якія старанна замоўчваліся за савецкім часам і застаюцца па-за ўвагай сёньняшніх уладаў.
Такі пасыл, у прыватнасьці, гучаў у прамовах кіраўнікоў КХП-БНФ Сяргея Папкова і Ўладзімера Юхо.
З такой просьбай яны зьвярнуліся найперш да маладых людзей, якіх гэтым разам прыйшло на шэсьце больш, чым у папярэднія гады. А гэта, у сваю чаргу, дае надзею на перадачу эстафэты памяці з пакаленьня ў пакаленьне.
