Лукашэнка: мяч на баку Захаду
«Яны пераканаліся, што санкцыі — гэта на шкоду, і ўбачылі, што Беларусь — прыстойная дзяржава».
Новае абсталяваньне беларускага АМАПу
Народ сьвяткуе
Лукашэнка: Папярэджваю: пасьля выбараў пачынайце жыць паводле закону
Аляксандар Лукашэнка пасьля працэдуры галасаваньня расказаў пра бачаньне сваёй місіі ў выпадку перамогі, а таксама пра стаўленьне да Расеі, Украіны, краінаў Эўразьвязу ды сваіх канкурэнтаў.
Лазавік: Выбары адбыліся
У панядзелак пройдуць 7 прэсавых канфэрэнцыяў па выбарах
Вынікі выбараў падвядуць ня толькі ЦВК, але і нацыянальныя ды міжнародныя назіральнікі.
Колькі працэнтаў атрымалі супернікі Лукашэнкі на выбарах у 1994, 2001, 2006 і 2010 гг?
Колькі працэнтаў атрымалі супернікі Лукашэнкі на выбарах у 1994, 2001, 2006 і 2010 гг?
Бабруйск: стыхійны мітынг у дзень выбараў
У Бабруйску жыхары дому №18 па вуліцы Гагарына ў дзень выбараў выйшлі на стыхійны мітынг з-за слабога ацяпленьня.
Караткевіч пра свайго мужа і сэксізм Лукашэнкі
Тацяна Караткевіч пракамэнтавала Радыё Свабода выказваньні свайго канкурэнта.
Лукашэнка: у Машэрава было тры ці чатыры спальні
Кіраўнік Беларусі Аляксандар Лукашэнка распавёў журналістам, у якіх умовах ён жыве.
«Хаваць мне няма чаго, дамоў у мяне сваіх няма», — сказаў ён.
Чалавек у спадніцы
«Прэзыдэнт у нашай краіне займаецца многімі пытаньнямі — ад бясьпекі да эканомікі, якія чалавек у спадніцы пакуль, напэўна, ня зможа выконваць», — сказаў Лукашэнка падчас размовы з журналістамі на выбарчым участку. У іншай краіне гэткая заява публічнага чалавека выклікала б хвалю абурэньня, найперш, сярод жанчын. Фэмінісцкія ці жаночыя арганізацыі пацягнулі б такога дзеяча ў суд. І ўвогуле, такі палітык страціў бы жаночыя галасы на любых наступных выбарах і вымушаны быў бы пакінуць палітычнае жыцьцё.
Прычым, нават спрабуючы рабіць камплімэнт, ён не разумее, што абражае жанчыну. На яго думку, Караткевіч — «цалкам нармальны, разумны чалавек». Калі дакладна, то Лукашэнка назваў сваю канкурэнтку «вменяемый». Гэтае слова азначае, што чалавек здольны дзейнічаць сьвядома і несьці адказнасьць за свае ўчынкі. Дык вось аказваецца і жанчына ў палітыцы можа быць нармальнай, адэкватнай і несьці адказнасьць за свае ўчынкі! У тым сэнсе, што якіх дзіваў не бывае ў нашым жыцьці. Ці варта беларускім жанчынам ганарыцца такой пахвалой?
Выбарнік прыйшоў на ўчастак і высьветліў, што ўжо прагаласаваў датэрмінова
Георгій Пінчук апісвае сытуацыю, якая адбылася зь ім на адным з выбарчых участкаў Менску. Калі малады чалавек прыйшоў галасаваць, аказалася, што насупраць яго прозьвішча ўжо стаіць подпіс і дата 7 кастрычніка.
Старшыня камісіі проста выправіў дату і абышоўся без камэнтару. Выбарніку выдалі бюлетэнь і ён змог прагаласаваць. Паводле Пінчука, ён не пісаў скаргу, а назіральнікаў на ўчастку не было.