За Лукашэнку больш за 80%, Караткевіч — каля 5%. Спантаннае шэсьце да Плошчы Незалежнасьці

На пасаду кіраўніка Беларусі прэтэндуюць старшыня Лібэральна-дэмакратычнай партыі Сяргей Гайдукевіч, прадстаўніца грамадзянскай кампаніі «Гавары праўду» Тацяна Караткевіч, дзейны кіраўнік дзяржавы Аляксандар Лукашэнка і старшыня Беларускай патрыятычнай партыі Мікалай Улаховіч.

Тацяна Караткевіч заклікала прагаласаваць усіх і выкладваць фатаздымкі свайго выбару. Пра гэта яна напісала ў Фэйсбуку.

Участак, дзе будзе галасаваць Аляксандар Лукашэнка, знаходзіцца ў беларускім дзяржаўным унівэрсытэце фізычнай культуры і спорту. Журналістаў папрасілі прыйсьці а 9-ай гадзіне раніцы, калі зьявіцца Лукашэнка, пакуль невядома.

На ўчастку ўзмоцненая ахова. Прыехалі спэцназаўцы, каля 20 чалавек. На ўваходзе ўсіх выбарцаў правяраюць мэталяшукальнікамі. Паглыблены дагляд журналістаў. Журналістаў падзялілі на дзьве часткі.

У буфэтах паліцы ломяцца ад выпечкі і далікатэсаў. Прадаецца алькаголь — ад беларускай гарэлкі да марціні. На ўчастку таксама можна набыць бульбу, агуркі, памідоры. Таксама караваі і вырабы народных промыслаў.

Журналіста газэты «Новы Час» Арцёма Ляву а 8 гадзіне раніцы не пусьцілі на выбарчы ўчастак. Яму нават не дазволілі зайсьці ў памяшканьне выбарчага участка, патлумачыўшы тым, што складаюць супраць журналіста акт.

10 кастрычніка Арцём Лява правёў цэлы дзень на выбарчым участку № 33 Ленінскага раёна Менску. Ніякіх нараканьняў на яго адрас у сяброў выбаркаму не было.

Ярмошына: Палова тых, хто хацеў удзельнічаць у выбарах, ужо прагаласавала

Старшыня ЦВК Лідзія Ярмошына сёньня раніцай пракамэнтавала журналістам высокую яўку выбаршчыкаў падчас датэрміновага галасаваньня.

Лябедзька будзе назіраць на «самым брутальным» участку

Лідэр Партыі АГП Анатоль Лябедзька галасаваць ня пойдзе, але зарэгістраваўся назіральнікам на выбарчым участку. Менавіта на гэтым участку назіральнік ад АГП, былы міліцыянт Мікола Казлоў, зафіксаваў галасаваньне «карусельшчыкаў».

Сіўчык: Ніякіх акцый на вечар не рыхтуем

Кіраўнік руху салідарнасьці «Разам» Вячаслаў Сіўчык прысьвеціць дзень выбараў назіраньню.

Статкевіч у дзень выбараў носіць бульбу ў склеп

Былы кандыдат у прэзыдэнты і палітвязень Мікола Статкевіч плянуе сёньня сустрэцца зь беларускімі і замежнымі журналістамі, каб даць ім сваю ацэнку выбарчай кампаніі ў Беларусі.

Дзьмітрыеў галасуе за Караткевіч і не заклікае на вулічную акцыю

Андрэй Дзьмітрыеў, кіраўнік перадвыбарнага штабу Тацяны Караткевіч у відэа-інтэрвію БелаПАН сказаў, што штаб Тацяны Караткевіч не заклікае на вулічную акцыю пратэсту пасьля абвяшчэньня вынікаў выбараў. Пасьля таго, як прагаласуе, Дзьмітрыеў будзе знаходзіцца ў штабе, каб аналізаваць зьвесткі ад назіральнікаў.

На ўчастку ў Менску голас «каштуе» паўтара літра піва

На выбарчым участку № 16, што на тэрыторыі школы № 108 у Партызанскім раёне Менска, кожнаму, хто галасуе, даюць купон. У буфэце гэты купон можна памяняць на паўтаралітровую бутэльку піва. Пра гэта паведаміў карэспандэнту Нашай Нівы незалежны назіральнік Антось Жыўко.

Гайдукевіч будзе галасаваць у Сёмкава

У штабе Сяргея Гайдукевіча кожную гадзіну паступае інфармацыя з рэгіенаў пра колькасьць людзей, якія прагаласавалі. Тут сабралася каля дзясятка журналістаў. Сяргея Гайдукевіча ў штабе няма, а 12-й гадзіне ён разам з жонкай будзе галасаваць у Сёмкава.

Лукашэнка прагаласаваў разам з сынам Мікалаем

Кандыдат у прэзыдэнты Беларусі, дзейны прэзыдэнт краіны Аляксандар Лукашэнка прагаласаваў на выбарчым участку № 1 Менску.

Лукашэнка прыбыў на выбарчы ўчастак разам са сваім малодшым сынам Мікалаем, які і апусьціў выбарчы бюлетэнь у скрыню для галасаваньня.

Яўка выбарцаў ужо перавысіла 40%

Цэнтральная выбарчая камісія паведаміла дадзеныя аб удзельніках галасаваньня на прэзыдэнцкіх выбарах зь улікам датэрміновага галасаваньня і першых дзьвюх гадзін асноўнага. Сярэдняя яўка за гэта час склала 40,43%.

Калякін хацеў галасаваць супраць усіх, але перадумаў

Лідэр партыі «Справяблівы сьвет» Сяргей Калякін вырашыў не хадзіць на выбары, ён будзе каардынаваць назіральнікаў.

НАРОД ГАЛАСУЕ. ФОТАРЭПАРТАЖ ЗЬ СЕНІЦЫ

11 кастрычніка ў Беларусі праходзяць прэзыдэнцкія выбары. Выбарчыя ўчасткі адчыніліся ў 8 гадзін раніцы і будуць працаваць да 20 гадзін.

Рух «За Свабоду» падказвае, як рыхтавацца да «сутак» ФОТА

Ніводзін апазыцыйны палітык не заклікаў да ўдзелу ў пратэстных акцыях, але верагоднасьць іх правядзеньня застаецца. А на старонцы руху «За свабоду» у фэйсбуку размясьцілі нават фотапамятку пра тое, што трэба браць з сабой, калі вы можаце быць арыштаваныя.

ФОТАФАКТ: Караткевіч з мужам

Лукашэнка: Я гатовы на любыя пераўтварэньні і рэформы, рэвалюцыйныя ў тым ліку

Кіраўнік краіны і кандыдат у прэзыдэнты Аляксандар Лукашэнка адказаў на пытаньні журналістаў пасьля галасаваньня на выбарчым участку № 1.

Гайдукевіч прагаласаваў за сябе

Сяргей Гайдукевіч прагаласаваў у Сёмкаве разам з жонкай Алай. На выбарчы ўчастак ён прыйшоў разам зь нявесткай і ўнучкай.