Некаторыя населеныя пункты паблізу эпіцэнтру падземных штуршкоў застаюцца бязь ежы і вады. Паводле інфармацыі ААН, шлях да некаторых аддаленых вёсак можа заняць да пяці дзён.
Аэрапорт Катманду перагружаны і ледзь спраўляецца з прыёмам велізарнай колькасьці самалётаў.
Раней паведамлялася, што жыхары Нэпалу пачалі перакрываць дарогі, па якіх рухаюцца машыны з гуманітарнай дапамогай, у знак пратэсту супраць дзеяньняў уладаў, якія, на іх думку, не надаюць дастаткова ўвагі ліквідацыі наступстваў землятрусу.
