ПАДЗЕІ ДНЯ
Менск, музэй сучаснага выяўленчага мастацтва, адкрытая лекцыя мастацтвазнаўцы Тацьцяны Бембель «Скульптурныя ансамблі ў горадзе». Пачатак у 12 гадзінаў.
Мястэчка Лагішын (Пінскі раён Берасьцейскай вобласьці), традыцыйныя дыяцэзіяльныя ўрачыстасьці з нагоды сьвята абраза Маці Боскай Каралевы Палесься.
Браслаў (Віцебская вобласьць), урачыстасьці ў гонар Маці Боскай уладарніцы азёраў.
Гарадзкі пасёлак. Зэльва (Гарадзенская вобласьць), навуковая канфэрэнцыя «Роля Сапегаў у гісторыі Зэльвенскага краю».
Брусэль, нарада экспэртаў 28 краін Эўразьвязу ў праблемах эўрапейскага рынку сельгаспрадукцыі.
ТАКСАМА Ў ГЭТЫ ДЗЕНЬ
1456 – прынцам Валахіі стаў Улад Дракула, вядомы па легендах аб вампірах.
1485 – скончылася вайна Пунсовай і Белай ружы, у бітве пры Босварце загінуў Рычард III, кароль ангельскі.
1846 – Нью-Мэксыка ўключаная ў склад ЗША.
1864 – падпісаная Першая Жэнэўская канвэнцыя, створанае таварыства Чырвонага крыжа.
1932 – першыя экспэрымэнты British Broadcasting Company (Бі-бі-сі) з тэлевізійным вяшчаньнем.
1941 – Другая сусьветная вайна: пачатак блякады Ленінграду.
1989 – Літва абвясьціла незаконнай анэксію краіны Савецкім Саюзам.
1991 – пасьля правалу спробы дзяржаўнага перавароту ў СССР прэзыдэнт Міхаіл Гарбачоў, часова адхілены ад кіраваньня, вярнуўся ў Маскву; змоўшчыкі арыштаваныя.
У гэты ж дзень – бела-сіне-чырвоны сьцяг абвешчаны дзяржаўным сьцягам Расеі.
У гэты дзень нарадзіліся:
1861 – Ігнат Буйніцкі, актор, рэжысэр, пачынальнік беларускага нацыянальнага тэатру.
1862 – Клод Дэбюсі, францускі кампазытар.
Ня трэба слухаць нічыіх парадаў, толькі парады ветру, які напявае гісторыю сьвету.
Клод Дэбюсі
1902 – Лені Рыфэншталь, нямецкая кінарэжысэрка.
1904 – Дэн Сяопін, кіраўнік КНР з 1976 году па сярэдзіну 90-х гадоў.
Ня важна, чорная котка ці белая котка, калі яна можа лавіць мышэй – гэта добрая котка.
Дэн Сяопін
1920 – Рэй Брэдбэры, амэрыканскі пісьменьнік-фантаст.
Бог даў нам розум, каб мы дасьледавалі тое, што ўжо ёсьць, а не для таго, каб мы варажылі і баяліся, што нас чакае ў будучыні.
Рэй Брэдбэры
З КАЛЕНДАРА БАХАРЭВІЧА
Бацька Цэпэш. 22 жніўня 1456 Дракула стаў прынцам Валахіі
