Карэспандэнт Грамадзкага тэлебачаньня Мустафа Наем зрабіў рэпартаж са Славянскага гарсавета, які быў адной з базаў узброеных сэпаратыстаў пад кіраўніцтвам расейскага дывэрсанта Ігара Гіркіна (Стралка).
У падвалах украінскія вайскоўцы, якія вызвалілі Славянск, знайшлі шмат зброі, выбухоўкі, стралковы цір і камэры, у якіх трымалі і катавалі закладнікаў.
Тым часам на старонцы прэсавага цэнтра Антытэрарыстычнай апэрацыі ў «Фэйсбуку» апублікаваны відэазапіс, на якім зьнятая зброя расейскай вытворчасьці і маркіроўкі, якую пакінулі прарасейскія баевікі ў мэрыі Славянска.
