Як паведаміў генэральны консул Украіны ў Растове-на-Доне Віталь Маскаленка, дзеці на аўтобусе выехалі з лягеру “Данецкі” дадому. Напярэдадні ў Данецк (аднайменны ўкраінскаму горад, які знаходзіцца ў Растоўскай вобласьці) прыбылі 14 дзяцей-сірот узростам ад 4 да 12 гадоў з дзіцячага дому ў пасёлку Сьнежны Данецкай вобласьці Ўкраіны. Іх прывезьлі выхавальнікі і папрасілі расьсяліць на турбазе. Далей нібыта плянаваўся вываз гэтых дзяцей у калёне аўтобусаў у Крым.
Аднак консул Украіны, які наведаў турбазу і вывучыў сытуацыю, напісаў заяву ў паліцыю пра гвалтоўнае ўтрыманьне дзяцей. Неўзабаве Масква прапанавала афіцыйным украінскім прадстаўнікам іх забраць.
МЗС Украіны лічыць, што Масква парушыла шэраг пагадненьняў, калі прапусьціла праз сваю мяжу дзяцей без адпаведных дакумэнтаў дазволу.
Аднак консул Украіны, які наведаў турбазу і вывучыў сытуацыю, напісаў заяву ў паліцыю пра гвалтоўнае ўтрыманьне дзяцей. Неўзабаве Масква прапанавала афіцыйным украінскім прадстаўнікам іх забраць.
МЗС Украіны лічыць, што Масква парушыла шэраг пагадненьняў, калі прапусьціла праз сваю мяжу дзяцей без адпаведных дакумэнтаў дазволу.
