У сталіцы Бэльгіі пройдзе чарговы этап перамоваў па газавым пытаньні паміж прадстаўнікамі Ўкраіны, Расеі і Эўрапейскага Зьвязу. Пра гэта ў нядзелю паведаміла прэсавая служба міністэрства энэргетыкі Расеі.
30 траўня Ўкраіна часткова аплаціла доўг за газ перад Расеяй. «Нафтагаз» пералічыў «Газпрому» 786 мільёнаў даляраў — гэта тая сума доўгу за люты і сакавік 2014 году, па якой бакі ня маюць рознагалосьсяў.
2 чэрвеня кіраўнік «Газпрому» Аляксей Мілер пацьвердзіў атрыманьне гэтай сумы і пагадзіўся перанесьці тэрмін пачатку перадаплаты за газ для Ўкраіны на 9 чэрвеня, пасьля гэты тэрмін быў працягнуты яшчэ на дзень.
13 траўня «Газпром» выставіў Украіне папярэднюю цану за чэрвеньскі газ у памеры 1 мільярд 660 мільёнаў даляраў.
Расея ўвяла для Ўкраіны цану на газ каля 500 даляраў за тысячу кубамэтраў — самую высокую ў Эўропе. Украіна лічыць гэтую цану нярынкавай, палітычна матываванай і пагражае зьвярнуцца з пазовам у Стакгольмскі арбітражны суд.
Прайшло ўжо некалькі раўндаў газавых перамоваў паміж Украінай і Расеяй пры пасярэдніцтве Эўразьвязу, але выніку яны не далі.
30 траўня Ўкраіна часткова аплаціла доўг за газ перад Расеяй. «Нафтагаз» пералічыў «Газпрому» 786 мільёнаў даляраў — гэта тая сума доўгу за люты і сакавік 2014 году, па якой бакі ня маюць рознагалосьсяў.
2 чэрвеня кіраўнік «Газпрому» Аляксей Мілер пацьвердзіў атрыманьне гэтай сумы і пагадзіўся перанесьці тэрмін пачатку перадаплаты за газ для Ўкраіны на 9 чэрвеня, пасьля гэты тэрмін быў працягнуты яшчэ на дзень.
13 траўня «Газпром» выставіў Украіне папярэднюю цану за чэрвеньскі газ у памеры 1 мільярд 660 мільёнаў даляраў.
Расея ўвяла для Ўкраіны цану на газ каля 500 даляраў за тысячу кубамэтраў — самую высокую ў Эўропе. Украіна лічыць гэтую цану нярынкавай, палітычна матываванай і пагражае зьвярнуцца з пазовам у Стакгольмскі арбітражны суд.
Прайшло ўжо некалькі раўндаў газавых перамоваў паміж Украінай і Расеяй пры пасярэдніцтве Эўразьвязу, але выніку яны не далі.
