«Гэта вельмі многа», — камэнтуе для Свабоды названыя лічбы эканаміст, намесьнік старшыні Аб’яднанай грамадзянскай партыі Леў Марголін:
«Калі пералічыць гэтыя лічбы з прыцэлам на ўвесь сёлетні год, то атрымаецца болей за 20% інфляцыі. Але ж улады ставілі нашмат больш амбітную для сябе задачу — ня болей за 12% гадавых.
Звычайна першы месяц любога году ў нас бывае ўдарны па росьце тэмпаў інфляцыі. Гэта тлумачыцца тым, што, як правіла, кошты, асабліва на паслугі, падвышаюцца з 1 студзеня.
А вось што тычыцца лютага, то гэта сытуацыя незвычайная. А калі ўлічыць, што ў 2014 годзе будзе кожны квартал праводзіцца індэксацыя жыльлёва-камунальных паслугаў, то, я думаю, мы сутыкнемся зь вельмі вялікай інфляцыяй».
Адзін з асноўных фактараў, якія нэгатыўна ўплываюць на інфляцыю, — гэта слабы экспарт беларускіх тавараў,— адзначае эканаміст Марголін:
«У студзені ён параўнальна са сьнежнем мінулага году склаў толькі 82,9%. Улады апраўдваюць такое вялікае зьніжэньне спэцыфікай студзеня. Маўляў, і ў нас былі выходныя, і Расея не працавала два тыдні. Але ж насамрэч ня гэта галоўнае. Скарачаецца попыт на прадукцыю беларускіх прадпрыемстваў — і ў нашай краіне, і ў Расеі.
А па-другое, многім прадпрыемствам не хапае абаротных сродкаў. А крэдыты вельмі дарагія. Дайшло да таго, што некаторыя заводы адмаўляюцца ад заказаў, таму што ня маюць грошай на набыцьцё сыравіны. І гэта ўжо не асобныя выпадкі, а пэўная тэндэнцыя, трэнд.
Зьявіліся афіцыйныя дадзеныя за першыя два месяцы па вытворчасьці. Яны паказваюць, што беларускую эканоміку ахоплівае ня проста стагнацыя. Пачынаецца спад. Адбываецца тое, што мы прадказвалі яшчэ летась».
«Калі пералічыць гэтыя лічбы з прыцэлам на ўвесь сёлетні год, то атрымаецца болей за 20% інфляцыі. Але ж улады ставілі нашмат больш амбітную для сябе задачу — ня болей за 12% гадавых.
Звычайна першы месяц любога году ў нас бывае ўдарны па росьце тэмпаў інфляцыі. Гэта тлумачыцца тым, што, як правіла, кошты, асабліва на паслугі, падвышаюцца з 1 студзеня.
А вось што тычыцца лютага, то гэта сытуацыя незвычайная. А калі ўлічыць, што ў 2014 годзе будзе кожны квартал праводзіцца індэксацыя жыльлёва-камунальных паслугаў, то, я думаю, мы сутыкнемся зь вельмі вялікай інфляцыяй».
Адзін з асноўных фактараў, якія нэгатыўна ўплываюць на інфляцыю, — гэта слабы экспарт беларускіх тавараў,— адзначае эканаміст Марголін:
«У студзені ён параўнальна са сьнежнем мінулага году склаў толькі 82,9%. Улады апраўдваюць такое вялікае зьніжэньне спэцыфікай студзеня. Маўляў, і ў нас былі выходныя, і Расея не працавала два тыдні. Але ж насамрэч ня гэта галоўнае. Скарачаецца попыт на прадукцыю беларускіх прадпрыемстваў — і ў нашай краіне, і ў Расеі.
А па-другое, многім прадпрыемствам не хапае абаротных сродкаў. А крэдыты вельмі дарагія. Дайшло да таго, што некаторыя заводы адмаўляюцца ад заказаў, таму што ня маюць грошай на набыцьцё сыравіны. І гэта ўжо не асобныя выпадкі, а пэўная тэндэнцыя, трэнд.
Зьявіліся афіцыйныя дадзеныя за першыя два месяцы па вытворчасьці. Яны паказваюць, што беларускую эканоміку ахоплівае ня проста стагнацыя. Пачынаецца спад. Адбываецца тое, што мы прадказвалі яшчэ летась».
