Лявон Вольскі: Яны хочуць, каб усе жылі ў сьмярдзючым сонным балоце

Лявон Вольскі ў сваім фэйсбуку зрэагаваў на падзеі, якія адбываюцца ва Ўкраіне:

Яны хочуць стабільнасьці. Каб усё было, як учора. Заўсёды. Каб заўтра было, як учора. І пазаўтра.

Калі нехта парушае звыклы парадак рэчаў, гэта вораг. Ён хоча адняць, забраць, парушыць. За гэта яго можна і варта забіць. За замах на выгоды. На малаплатную працу. На перасвараную сям’ю. На п’яную лазьню раз на месяц зь сябрамі.
На сьвятое.

І справа нават ня ў гэтай спробе замаху. А проста ўсе мусяць жыць вось так. Так, як яны. У вечным учора. У цёплым сьмярдзючым сонным балоце... І не вылузвацца, бо навошта?

Трымайцеся, Браты і Сёстры! Мацуйцеся! Яны нас не перамогуць! Слава Україні!