Цыклён «Хавэр» каштаваў транспартнікам 49 мільярдаў рублёў
Раніца пасьля стыхіі
Цыклён «Хавэр» каштаваў транспартнікам 49 мільярдаў рублёў
Міністэрству транспарту пакрыюць зь бюджэту каля 49 мільярдаў рублёў, якія пайшлі на ліквідацыю наступстваў цыклёну «Хавэр».
У такую суму міністэрства ацаніла дадатковыя выдаткі, зьвязаныя з цыклёнам, які прайшоў празь Беларусь сёлета 15–16 сакавіка. Пастанову ўраду пра кампэнсацыю выдаткаў апублікавалі сёньня, а сродкі будуць выдзеленыя з рэспубліканскага бюджэту.
Пра тое, што затрачаная менавіта такая сума, сьведчаць акты выкананых працаў. Сродкі былі накіраваныя, сярод іншага, на прыбіраньне сьнегу з праезнай часткі, вываз сьнежных завалаў, функцыянаваньне дарожнай і сьнегаўборачнай тэхнікі.
