Паліцыя паведаміла, што некалькі чалавек сталі ахвярамі ўзброеных зламысьнікаў, якія адкрылі агонь у ваенна-марскім камандным цэнтры ў Вашынгтоне.
Паведамляецца, што параненыя як найменей чацьвёра чалавек, сярод іх паліцэйскі. Лекары кажуць, што стан траіх параненых крытычны.
Кіраўнік вашынгтонскай паліцыі Кэці Лэніэр заявіла, што адзін са стралкоў забіты, і яшчэ дваіх людзей шукаюць.
Забіты падазраваны, па паведамленьні амэрыканскіх СМІ — 50-гадовы служачы ВМС, чый працоўны дагавор быў нядаўна перагледжаны.
Па словах Лэніэр, яшчэ двое нападнікаў былі апранутыя ў ваенную форму.
Да месца падзей прыбылі дзясяткі машын службаў выратаваньня і некалькі верталётаў.
Прэзыдэнту ЗША Бараку Абаму даклалі аб тым, што здарылася, і ён аддаў фэдэральным агенцтвам распараджэньне працаваць скаардынавана.
Абама выказаў спачуваньні сям’я загінулых.
На брыфінгу ў Белым доме ён выказаў спачуваньні сем’ям ахвяраў і сказаў : «Гэтыя мужчыны і жанчыны прыходзяць рабіць сваю працу. Яны ведаюць , якія небясьпекі чакаюць іх на службе за мяжой, але сёньня яны сутыкнуліся з гвалтам, якога яны не маглі чакаць у сябе дома».
У камандным цэнтры ВМС у Вашынгтоне служыць каля 3000 чалавек. Яны займаюцца распрацоўкай, закупкай, пабудовай і абслугоўваньнем караблёў і падводных лодак амэрыканскага флёту.
Гэта найстарэйшы берагавы аб’ект амэрыканскіх ВМС. Ён быў пабудаваны на пачатку XIX стагоддзя.
