Паводка ў Расеі: вада ў Амуры ўзьнялася на 8 мэтраў
Паводка ў Расеі: вада ў Амуры ўзьнялася на 8 мэтраў
Узровень вады ў рацэ Амур паблізу Камсамольска-на-Амуры ў панядзелак перавысіў адзнаку восем мэтраў.
У горадзе працягваюцца работы па надбудове ахоўных дамбаў.
У Хабараўску вада ў Амуры паднялася да 7 мэтраў 97 сантымэтраў. Гэта на паўтара мэтра вышэй гістарычнага максымуму і амаль на два мэтры перавышае крытычную адзнаку.
Мэр Хабараўска Аляксандр Сакалоў назваў паводку «анамальнай», але падкрэсьліў, што масавай эвакуацыі ўлады не плянуюць. Адселеныя толькі жыхары падтопленых дамоў з прыбярэжнага і нізінных раёнаў горада. У Хабараўску падтопленыя 600 дамоў.
Па прагнозах гідролягаў, да 5 верасьня вада можа падняцца да 8 мэтраў 30 сантымэтраў.
Уладзімер Пуцін аглядае раён паводкі з гэлікоптара
