Амэрыканская спэцслужба FBI пераглядае правамернасьць пакараньняў сьмерцю, якія адбыліся на падставе судовых рашэньняў, вынесеных у розных частках ЗША. ФБР высьветліла, што ажно ў 27 выпадках пакараныя сьмерцю маглі быць невінаватыя людзі, таму што суды занадта абапіраліся на лябараторныя доказы, якія павінны былі быць вырашальнымі. Пра гэта ўсё паведаміла брытанскае выданьне «The Independent».
«Калі назіраеш нейкую праблему, трэба прыняць яе і падумаць, як гэтую праблему вырашыць, каб пасунуцца неперад і быць упэўненым, што гэта ніколі не паўтарыцца», — выказаўся наконт перагляду рэалізаваных пакараньнях прадстаўнік ФБР Эндру Вайсман.
У цэнтры ўвагі, у асноўным, выпадкі, калі сьледчыя зьвязвалі падазронага са злачынцам на падставе валасоў, знойдзеных на месцы злачынства. Нягледзячы на тое, што ў лябараторных справаздачах ФБР яшчэ зь 70-х гг. мінулага стагодзьдзя часта пісалася пра тое, што падабенства валасоў ня можа быць ключавым доказам, сьледчыя гэтае падабенства часта выкарыстоўвалі падчас судовых паседжаньняў, і суд ім верыў.
У выпадку зь цягніком у Мадрыдзе ў 2004 годзе, калі пры выбухах памёр 191 чалавек, тры экспэрты ФБР назвалі ўласнікам заплечніка з выбухоўкай амэрыканца Брэндана Мэйфілда на падставе частковага падабенства адбіткаў пальцаў, зь якіх адзін быў няпоўны. Толькі пазней ФБР прызнала, што гэта была памылка і адбіткі належаць алжырцу. На шчасьце, Мэйфілд быў на той момант у турме, а не на месцы пакараньня.
ФБР пакуль ня скончыла расьсьледаваньне, таму ўсё яшчэ ня ясна, у якіх канкрэтна выпадках былі пакараныя невінаватыя людзі. Але дзякуючы гэтаму, у апошні момант перанесьлі пакараньне 44-гадовага Ўілі Джэрам Манінг (Willie Jerom Manning) у Місісіпі, які быў абвінавачаны ў забойстве двух студэнтаў у 90-я гг. Канчатковае рашэнтне наконт віны Мэнінга будзе вынесена на падставе аналізу ДНК.
ФБР разам зь міністэрствам юстыцыі, нацыянальным таварыствам адвакатаў NACDL і арганізацыяй Innocence Project займаецца пераглядам 21700 справаў зь ліпеня мінулага году. Пакуль было перагледжана 15000 справаў.
Ажно ў 27 выпадках пакараныя сьмерцю маглі быць невінаватыя людзі, таму што суды занадта абапіраліся на лябараторныя доказы, якія павінны былі быць вырашальнымі.
У цэнтры ўвагі, у асноўным, выпадкі, калі сьледчыя зьвязвалі падазронага са злачынцам на падставе валасоў, знойдзеных на месцы злачынства. Нягледзячы на тое, што ў лябараторных справаздачах ФБР яшчэ зь 70-х гг. мінулага стагодзьдзя часта пісалася пра тое, што падабенства валасоў ня можа быць ключавым доказам, сьледчыя гэтае падабенства часта выкарыстоўвалі падчас судовых паседжаньняў, і суд ім верыў.
У выпадку зь цягніком у Мадрыдзе ў 2004 годзе, калі пры выбухах памёр 191 чалавек, тры экспэрты ФБР назвалі ўласнікам заплечніка з выбухоўкай амэрыканца Брэндана Мэйфілда на падставе частковага падабенства адбіткаў пальцаў, зь якіх адзін быў няпоўны. Толькі пазней ФБР прызнала, што гэта была памылка і адбіткі належаць алжырцу. На шчасьце, Мэйфілд быў на той момант у турме, а не на месцы пакараньня.
Дваццаць тысячаў справаў пад мікраскопам
ФБР пакуль ня скончыла расьсьледаваньне, таму ўсё яшчэ ня ясна, у якіх канкрэтна выпадках былі пакараныя невінаватыя людзі. Але дзякуючы гэтаму, у апошні момант перанесьлі пакараньне 44-гадовага Ўілі Джэрам Манінг (Willie Jerom Manning) у Місісіпі, які быў абвінавачаны ў забойстве двух студэнтаў у 90-я гг. Канчатковае рашэнтне наконт віны Мэнінга будзе вынесена на падставе аналізу ДНК.
ФБР разам зь міністэрствам юстыцыі, нацыянальным таварыствам адвакатаў NACDL і арганізацыяй Innocence Project займаецца пераглядам 21700 справаў зь ліпеня мінулага году. Пакуль было перагледжана 15000 справаў.
