Падзеі і даты гэтага дня ў Беларусі, сьвеце, гісторыі.
Менск — у кнігарні «Логвінаў» імпрэза з нагоды выхаду зборніку «Макулатура 4 — Дзёньнікі па Англіі». Свае творы чытаюць Уладзімер Арлоў, Альгерд Бахарэвіч, Віктар Марціновіч і іншыя. Пачатак а 19-ай.
Масква — візыт міністра замежных спраў Беларусі Уладзімера Макея ў Расею
Гэты дзень у гісторыі
1919 — у Горадні польскія ўлады забаранілі газэту Родны край, а рэдактара Тамаша Грыба арыштавалі
1922 — абвешчана аўтаномія Беларускай праваслаўнай царквы на чале зь мітрапалітам Мелхіседэкам.
1972 — У вёсцы Вязынка Маладзечанскага р-на адкрыўся Купалаўскі мэмарыяльны запаведнік.
1991 — інаўгурацыя першага прэзыдэнта Расеі Барыса Ельцына
1992 — Беларусь стала чальцом Міжнароднага валютнага фонду
1994 — першым прэзыдэнтам Рэспублікі Беларусь у другім туры абраны Аляксандар Лукашэнка.
У гэты дзень нарадзіліся:
1509 — Жан Кальвін, францускі рэлігійны рэфарматар
1871 — Марсэль Пруст, францускі пісьменьнік. У гісторыі францускай літаратуры Пруст вядомы як пачынальнік псыхалягічнага раману.
1871 — Пётра Сергіевіч, беларускі жывапісец і графік, мастак-манумэнталіст.
1895 — Павал Сухі, савецкі авіяканструктар, нарадзіўся ў Глыбокім Віцебскай вобласьці. Сухі — аўтар больш як 50 самалётаў, 30 зь якіх былі пабудаваныя і выпрабаваны. Канструкцыі яго самалётаў адрозьніваюцца ўвядзеньнем розных тэхнічных навінак, упершыню ўжытых у савецкім самалётабудаваньні.
1914 — Яфрэм Карпачоў, беларускі гісторык
1942 — Пятро Клімук, беларускі савецкі касманаўт
1977 — Віктар Ганчарэнка, футбаліст, галоўны трэнэр футбольнага клюбу БАТЭ
У гэты дзень памерлі
1559 — Генрых II, кароль Францыі
1944 — Язэп Урбановіч, адзін з арганізатараў і кіраўнікоў антыфашыстоўскага падпольля і партызанскага руху на Берасьцейшчыне
ЦЫТАТА НА ПАМЯЦЬ:
Разумны чалавек мае права быць няшчасным толькі з-за жанчыны, якая варта таго.
Марсэль Пруст
