Мікола Купава зьбіраецца бліжэйшым часам наладзіць продаж карцін праз інтэрнэт. Зараз ён шукае спэцыялістаў, якія дапамаглі б яму наладзіць такі інтэрнэт-аўкцыён. Спадар Купава спадзяецца, што ягоная акцыя дапаможа пачаць збор сродкаў на аднаўленьне помніка віленскага барока — Сьвята-Пакроўскага кляштара — у Воршы, на ягонай радзіме:
«У Воршы гэта адзіны вельмі важны архітэктурна-гістарычны аб’ект. Усё астатняе было зьнішчана ў 60-я гады. Прытым на маіх вачах бурылі ў 1957–59 гадах і аж да 1968 году, і потым яшчэ. Засталіся толькі муры кляштара, і іх трэба ўратаваць, таму што яны ў кепскім, аварыйным стане».
Мікола Купава гатовы ахвяраваць на аднаўленьне кляштара свае працы з аршанскімі краявідамі, у тым ліку і самога помніка, афорты паводле твораў Караткевіча, творы, прысьвечаныя паўстаньню Кастуся Каліноўскага, Аршанскай бітве.
«У мяне шмат твораў, і я спадзяюся, што калі ўсё гэта пойдзе, то падключацца і іншыя мастакі. Мы рэальна можам на гэты працэс паўплываць, і гэта будзе пачатак, бо нічога падобнага там не рабілася, дый агулам у Беларусі».
Пра стан помніка і пачатак збору ахвяраваньняў на рэстаўрацыю «Свабода» пісала некалькі дзён таму.
«У Воршы гэта адзіны вельмі важны архітэктурна-гістарычны аб’ект. Усё астатняе было зьнішчана ў 60-я гады. Прытым на маіх вачах бурылі ў 1957–59 гадах і аж да 1968 году, і потым яшчэ. Засталіся толькі муры кляштара, і іх трэба ўратаваць, таму што яны ў кепскім, аварыйным стане».
Мікола Купава гатовы ахвяраваць на аднаўленьне кляштара свае працы з аршанскімі краявідамі, у тым ліку і самога помніка, афорты паводле твораў Караткевіча, творы, прысьвечаныя паўстаньню Кастуся Каліноўскага, Аршанскай бітве.
«У мяне шмат твораў, і я спадзяюся, што калі ўсё гэта пойдзе, то падключацца і іншыя мастакі. Мы рэальна можам на гэты працэс паўплываць, і гэта будзе пачатак, бо нічога падобнага там не рабілася, дый агулам у Беларусі».
Пра стан помніка і пачатак збору ахвяраваньняў на рэстаўрацыю «Свабода» пісала некалькі дзён таму.
