Дзейны кіраўнік Туркменістану Гурбангулы Бердымухамедаў перамагае на выбарах прэзыдэнта краіны, якія адбыліся ўчора.
Паводле папярэдніх дадзеных Цэнтральнай выбарчай камісіі Туркменістану, ён атрымаў больш за 97 працэнтаў галасоў выбарцаў.
На пасаду прэзыдэнта краіны прэтэндуюць яшчэ сем кандыдатаў, аднак, самы пасьпяховы зь іх набраў крыху больш за адзін працэнт галасоў.
Яўка выбарцаў перавысіла 96 працэнтаў.
Згодна з канстытуцыяй краіны, прэзыдэнт абіраецца тэрмінам на пяць гадоў.
Упершыню Бердымухамедаў быў абраны прэзыдэнтам Туркменістану на альтэрнатыўных выбарах у лютым 2007 году.
Фотагалерэя:
Туркменская "Белая рэвалюцыя"
Ад часу прыходу да ўлады пяць гадоў таму туркменскі прэзыдэнт Гурбангулы Бердымухамедаў спрабуе выпрацаваць свой стыль кіраваньня - аж да выбару колераў. Ад ягонага адзеньня да дываноў і кветак, якія ўпрыгожваюць яго афіцыйныя выступы, усё ў сьвеце Бердымухамедава асьляпляльна белае. Прапануем вам позірк на туркменскую "каляровую рэвалюцыю".
