Беларусь можа лічыць, што ёй пашанцавала з той нагоды, што Эўразьвяз не парваў зь ёй сувязі з-за няспынных рэпрэсіяў супраць апазыцыі, заявіў у панядзелак міністар замежных справаў Польшчы Радаслаў Сікорскі.
«Беларусь мусіць ацаніць той факт, што мы ня выкінулі яе з «Усходняга партнэрства», улічваючы ўсё тое, што яны рабілі пасьля 19 сьнежня», - заявіў польскі міністар.
Наступны саміт «Усходняга партнэрства» заплянаваны на 29-30 верасьня. Выступаючы на сустрэчы, арганізаванай брусэльскім Цэнтрам эўрапейскай палітыкі, Сікорскі даў зразумець, што хоць Лукашэнку хутчэй за ўсё на саміт не запросяць, тым ня менш у ім, магчыма, возьмуць удзел прадстаўнікі ягонага рэжыму.
«На гэтай стадыі мы абмяркоўваем пытаньне – на якім узроўні Беларусь будзе прадстаўленая на варшаўскім саміце, і калі Лукашэнка зноў ня зробіць нешта вельмі дрэннае, мы некага ад іх запросім», - заявіў Сікорскі.
Польскі міністар паўтарыў эўрапейскія заклікі да Беларусі вызваліць палітзьняволеных і рухацца ў бок дэмакратыі. Калі б гэта здарылася, дадаў Сікорскі, Эўразьвяз быў бы «гатовы шчодра адказаць на патрэбы Беларусі, узьніклыя з прычыны правалу Луканомікі».
«Беларусь мусіць ацаніць той факт, што мы ня выкінулі яе з «Усходняга партнэрства», улічваючы ўсё тое, што яны рабілі пасьля 19 сьнежня», - заявіў польскі міністар.
Наступны саміт «Усходняга партнэрства» заплянаваны на 29-30 верасьня. Выступаючы на сустрэчы, арганізаванай брусэльскім Цэнтрам эўрапейскай палітыкі, Сікорскі даў зразумець, што хоць Лукашэнку хутчэй за ўсё на саміт не запросяць, тым ня менш у ім, магчыма, возьмуць удзел прадстаўнікі ягонага рэжыму.
«На гэтай стадыі мы абмяркоўваем пытаньне – на якім узроўні Беларусь будзе прадстаўленая на варшаўскім саміце, і калі Лукашэнка зноў ня зробіць нешта вельмі дрэннае, мы некага ад іх запросім», - заявіў Сікорскі.
Польскі міністар паўтарыў эўрапейскія заклікі да Беларусі вызваліць палітзьняволеных і рухацца ў бок дэмакратыі. Калі б гэта здарылася, дадаў Сікорскі, Эўразьвяз быў бы «гатовы шчодра адказаць на патрэбы Беларусі, узьніклыя з прычыны правалу Луканомікі».
