У Віцебску затрымалі Барыса Хамайду

Верагодна, вядомы апазыцыянэр патрапіў пад зачыстку гораду перад «Славянскім базарам».

Хамайду затрымалі каля «сіняга дому» па вуліцы Леніна, дзе ён традыцыйна распаўсюджваў незалежную прэсу. Яго завезьлі ў Чыгуначны РАУС, спаслаўшыся на загад міліцэйскага начальства.

Учора міліцыянты спынілі Барыса на вуліцы, каб праверыць зьмесьціва ягоных сумак. Але пасьля асабістага дагляду супрацоўнікі Кастрычніцкага РАУС папрасілі прабачэньня і адпусьцілі апазыцыянэра.