Паводле індэксу дэмакратыі, які складае аналітычны аддзел брытанскага часопісу Economist (Economist Intelligence Unit), Беларусь знаходзіцца на 130 месцы з канца сярод 167 краінаў сьвету. У рэйтынгу Беларусь аднесеная да катэгорыі краінаў, якія характарызуюцца, як “аўтарытарныя рэжымы”.
Нігер | 128 |
Беларусь | 130 |
Ангола | 131 |
Казахстан | 132 |
Азэрбайджан | 135 |
Таджыкістан | 149 |
Узбэкістан | 164 |
Туркмэністан | 165 |
У 2006 годзе Беларусь займала 128 месца, у 2008 – 132 месца паводле рэйтынгу Economist Intelligence Unit.
Суседнія з Беларусьсю Літва (41), Латвія (48), Польшча (48) і Ўкраіна (67) аднесеныя да катэгорыі “дэмакратыі з недахопамі”, а Расея (107) да катэгорыі “гібрыдны рэжым”.
На першым месцы паводле індэксу дэмакратыі – Нарвэгія, на апошнім – Паўночная Карэя.
Гэта ўжо трэці індэкс дэмакратыі, які робіць аналітычная група часопісу Economist. Ён адлюстроўвае сытуацыю па стане на лістапад 2010 году. Індэкс характарызуе стан дэмакратыі ва 167 дзяржавах, і ахоплівае практычна ўсё насельніцтва сьвету.
Індэкс дэмакратыі Economist Intelligence Unit заснаваны на пяці катэгорыях: выбарчы працэс і плюралізм, грамадзянскія свабоды, дзейнасьць ураду, ўдзел у палітычным жыцьці і палітычная культура. Краіны адносяць да аднаго з чатырох тыпаў рэжымаў: поўная дэмакратыя, дэмакратыя з недахопамі, гібрыдныя рэжымы, і аўтарытарныя рэжымы.
