Улады Кіева тлумачаць, што былі вымушаныя пайсьці на “знос” намётавага лягеру прадпрымальнікаў на Майдане, каб пасьпець падрыхтавацца да навагодніх сьвятаў. Прэзыдэнт Украіны Віктар Януковіч назваў дэмантаж лягеру законным, а апазыцыйная лідарка Юлія Цімашэнка акрэсьліла гэта як “глумленьне над дэмакратыяй”.
Сёньня а 5-й гадзіне раніцы быў дэмантаваны намётавы лягер на кіеўскім Майдане. Ад 22 лістапада ўкраінскія прадпрымальнікі праводзілі тут бестэрміновую акцыю пратэсту, патрабуючы ад прэзыдэнта накласьці вета на падатковы кодэкс і накіраваць у адстаўку яго аўтараў. Яшчэ 1 сьнежня на Майдане, нягледзячы на 13 градусаў марозу, стаяла дзевяць намётаў.
Як заявіў сёньня на прэсавай канфэрэнцыі Віктар Януковіч, мястэчка было ліквідаванае згодна з пастановай суду, а навагоднюю ялінку тут усталёўваюць адпаведна рашэньню Кіеўскай гарадзкой адміністрацыі. Ён дадаў, што дыялёг з удзельнікамі акцыі пратэсту ў чацьвер быў завершаны ўхваленьнем адпаведнага рашэньня. Учора парлямэнт Украіны прыняў падатковы кодэкс з унесенымі прапановамі прэзыдэнта.
Прыняцьцю кодэкса папярэднічала яго бурлівае публічнае абмеркаваньне і масавыя акцыі пратэсту прадпрымальнікаў. На іх думку, новы закон значна павысіць падатковае адміністраваньне і падатковы цяжар. Некаторыя пункты кодэксу прадпрымальнікі назвалі антыканстытуцыйнымі – напрыклад, дазвол падаткавікам праводзіць праверкі без папярэджаньня і ўваходзіць з гэтай мэтай у жыльлё.
Дарэчы, Януковіч яшчэ ў пік пратэстаў знайшоў час, каб зайсьці да пратэстоўцаў , выслухаць іх і нават, як перадаюць, папіць зь імі чаю. У канцы лістапада ён, як і хацелі прадпрымальнікі, наклаў на кодэкс вета, якое, аднак, трывала нядоўга. Украінскія прадпрымальнікі кажуць, што змаганьне за справядлівыя ўмовы бізнэсу, тым ня менш, працягнецца. У выніку пратэсту на Майдане яны заснавалі ўсеўкраінскі прафсаюз працаўнікоў рынкаў, гандлю і прадпрымальнікаў.
Сёньня а 5-й гадзіне раніцы быў дэмантаваны намётавы лягер на кіеўскім Майдане. Ад 22 лістапада ўкраінскія прадпрымальнікі праводзілі тут бестэрміновую акцыю пратэсту, патрабуючы ад прэзыдэнта накласьці вета на падатковы кодэкс і накіраваць у адстаўку яго аўтараў. Яшчэ 1 сьнежня на Майдане, нягледзячы на 13 градусаў марозу, стаяла дзевяць намётаў.
Як заявіў сёньня на прэсавай канфэрэнцыі Віктар Януковіч, мястэчка было ліквідаванае згодна з пастановай суду, а навагоднюю ялінку тут усталёўваюць адпаведна рашэньню Кіеўскай гарадзкой адміністрацыі. Ён дадаў, што дыялёг з удзельнікамі акцыі пратэсту ў чацьвер быў завершаны ўхваленьнем адпаведнага рашэньня. Учора парлямэнт Украіны прыняў падатковы кодэкс з унесенымі прапановамі прэзыдэнта.
Прыняцьцю кодэкса папярэднічала яго бурлівае публічнае абмеркаваньне і масавыя акцыі пратэсту прадпрымальнікаў. На іх думку, новы закон значна павысіць падатковае адміністраваньне і падатковы цяжар. Некаторыя пункты кодэксу прадпрымальнікі назвалі антыканстытуцыйнымі – напрыклад, дазвол падаткавікам праводзіць праверкі без папярэджаньня і ўваходзіць з гэтай мэтай у жыльлё.
Дарэчы, Януковіч яшчэ ў пік пратэстаў знайшоў час, каб зайсьці да пратэстоўцаў , выслухаць іх і нават, як перадаюць, папіць зь імі чаю. У канцы лістапада ён, як і хацелі прадпрымальнікі, наклаў на кодэкс вета, якое, аднак, трывала нядоўга. Украінскія прадпрымальнікі кажуць, што змаганьне за справядлівыя ўмовы бізнэсу, тым ня менш, працягнецца. У выніку пратэсту на Майдане яны заснавалі ўсеўкраінскі прафсаюз працаўнікоў рынкаў, гандлю і прадпрымальнікаў.
