Міхалевіч заяўляе, што сабраў 100 тысяч подпісаў

Ініцыятыўная група па вылучэньні Алеся Міхалевіча кандыдатам у прэзыдэнты Беларусі пераадолела неабходны для рэгістрацыі статысячны рубеж.

Пра гэта "Свабодзе" паведаміў сам патэнцыйны кандыдат. Ён зазначыў, што большая частка подпісаў ужо здадзеная ў выбаркамы і што ён будзе працягваць збор подпісаў да канца кампаніі.

Ініцыятыўная група Міхалевіча шостай пераадолела статысячны рубеж.

Больш за сто тысяч подпісаў таксама сабралі за кандыдатаў:

• Аляксандра Лукашэнку
• Уладзімера Някляева
• Віктар Цярэшчанка
• Яраслава Раманчука
• Андрэя Саньнікава.

Усяго подпісы зьбірае 14 ініцыятыўных групаў.

Аб спыненьні збору подпісаў заявілі:

• Сяргей Рыжоў
• Сяргей Гайдукевіч
• Пётар Барысаў.