Дата дня
30 гадоў таму, 27 сьнежня 1994 году ў газэце «Свабода» выйшла ананімная паэма «Лука Мудзішчаў — прэзыдэнт».
Таксама ў гэты дзень
У 1831 годзе Чарльз Дарвін узышоў на карабель «Бігль», каб выправіцца ў пяцігадовае падарожжа.
1862 — пачала дзейнічаць першая ў Беларусі чыгуначная лінія Парэчча — Горадня (30 км) і далей да сучаснай мяжы з Польшчай, як частка Пецярбурска-Варшаўскай чыгункі.
У 1918 годзе Рада і ўрад БНР пераехалі зь Вільні ў Горадню.
У 1918 годзе адбылася нарада работнікаў Белнацкаму, ЦБ беларускіх сэкцыяў і прадстаўнікоў Паўночна-Заходняга абкаму РКП(б). На ёй былі вырашаныя пытаньні ўтварэньня ўраду Савецкай Беларусі ў складзе 16 чалавек.
У 1932 годзе ў СССР уводзіцца пашпартная сыстэма і абавязковая прапіска па месцы жыхарства. Пасьля кастрычніцкага перавароту 1917 году пашпарты ў Савецкім Саюзе былі адмененыя як адна з праяваў царскай адсталасьці і дэспатызму.
У 1934 годзе Пэрсія зьмяніла назву на Іран.
У 1979 годзе пачалося савецкае ўварваньне ў Афганістан.
1994 — у газэце «Свабода» выйшла ананімная паэма «Лука Мудзішчаў — прэзыдэнт».
2019 — у Паставах адкрылі помнік Антону Тызэнгаўзу.
У гэты дзень нарадзіліся:
1459 — Ян I Ольбрахт, кароль польскі з 1492 году.
1571 — Ёган Кеплер, нямецкі матэматык, астраном і оптык
1595 — Багдан Хмяльніцкі, украінскі гетман.
1822 — Люі Пастэр, францускі хімік і бактэрыёляг, заснавальнік сучаснай мікрабіялёгіі ды імуналёгіі. Менавіта Пастэр прыдумаў тое, што цяпер называюць пастэрызацыяй.
1836 — Валер Урублеўскі, адзін з кіраўнікоў паўстаньня 1863–1864 гадоў. Напярэдадні паўстаньня Ўрублеўскі актыўна ўдзельнічаў у стварэньні нелегальнай рэвалюцыйнай арганізацыі на Горадзеншчыне, вёў прапаганду сярод навучэнцаў школы.
1888 — Яфім Бялевіч, дзяяч беларускага нацыянальнага руху, ахвяра сталінізму.
1901 — Антон Жэбрак, вучоны-генэтык, акадэмік і прэзыдэнт АН БССР.
1906 — Аляксандра Саковіч, беларуская пісьменьніца ў эміграцыі.
1912 — Уладзімер Кароль, архітэктар (стварыў Галоўпаштамт у Менску і іншыя вядомыя будынкі).
1919 — Галіна Макарава, беларуская акторка, народная артыстка Беларусі.
1923 — Анатоль Вялюгін, беларускі паэт і перакладнік.
1931 — Юры Карачун, мастак-графік, на працягу 20 гадоў дырэктар мастацкага музэя ў Менску.
1956 — Аляксандар Рогалеў, мовазнавец.
У гэты дзень памерлі:
1633 — Мялеці Сматрыцкі, пісьменьнік-палеміст, рэлігійны дзяяч.
1924 — у Парыжы памёр Леў Бакст, мастак.
1925 — беларускі паўстанец Зыгмунд Мінейка, які падчас паўстаньня Каліноўскага быў вайсковым кіраўніком у Ашмянскім павеце, а пасьля ўдзельнічаў у вайне Грэцыі з Турцыяй за востраў Крыт і стаў ганаровым грамадзянінам Грэцыі.
1964 — Мікалай Чуркін, беларускі кампазытар і фальклярыст, народны артыст Беларусі.
1976 — загінуў у аўтакатастрофе Фёдар Сурганаў, дзяржаўны дзяяч БССР.
1980 — Антон Антановіч, мовазнавец, дасьледнік мовы аль-кітабаў.
1998 — Навум Кісьлік, беларускі пісьменьнік.
2010 — у аўтакатастрофе загінула паэтка і журналістка Тацяна Сапач.
2020 — Леанід Заіка, эканаміст, аналітык.
