11 гадоў таму бясьследна зьніклі палітык Віктар Ганчар і прадпрымальнік Анатоль Красоўскі.
Увечары 16 верасьня яны былі ў лазьні, што па вуліцы Фабрычнай, 20 у Менску. Прыкладна ў 22.35 абодва выйшлі з будынку, селі ў аўтамашыну "Джып-Чэрокі", якая належала Красоўскаму... Пасьля гэтага іх больш ня бачылі.
Як паведамляла пракуратура, якая распачала крымінальную справу па факце зьнікненьня В.Ганчара і А.Красоўскага, пры аглядзе прылеглай тэрыторыі былі знойдзеныя асколкі плясмасавых расьсейвальнікаў сьвятлосыгнальных прыбораў аўтамабіля, сьляды тармажэньня аўтамашыны і яе ўдару аб дрэва, а таксама сьляды крыві.
Беларуская і міжнародная грамадзкасьць лічыць, што В.Ганчар і А.Красоўскі былі выкрадзеныя па палітычных матывах, і падазрае ў датычнасьці да іх выкраданьня вышэйшых службовых асобаў Беларусі.
У Беларусі было яшчэ некалькі таямнічых зьнікненьняў і сьмерцяў палітыкаў. За тры з паловай месяцы да зьнікненьня Ганчара і Красоўскага, 7 траўня 1999 году пры нявысьветленых абставінах у двары свайго дома зьнік былы міністар унутраных справаў Беларусі генэрал Юры Захаранка.
7 ліпеня 2000 году таямніча зьнік па дарозе ў менскі аэрапорт тэлеапэратар Зьміцер Завадзкі.
6 красавіка 1999 году раптоўна памёр былы сьпікер Вярхоўнага Савета Генадзь Карпенка.
16 верасьня 2005 году жонка зьніклага Анатоля Красоўскага Ірына, журналістка Ірына Халіп і моладзевы актывіст Мікіта Сасім сталі ініцыятарамі Дня салідарнасьці, які праводзіцца штомесяц 16 чысла.
Да 11–й гадавіны зьнікненьня апанэнтаў улады ў Беларусі выходзіць кніга "Мы памятаем...". Гэта ўспаміны сяброў, родных, блізкіх зьніклых у Беларусі людзей, а таксама памерлага пры дзіўных абставінах Генадзя Карпенкі. Кніга выходзіць на трох мовах – беларускай, ангельскай і расейскай.
Увечары 16 верасьня яны былі ў лазьні, што па вуліцы Фабрычнай, 20 у Менску. Прыкладна ў 22.35 абодва выйшлі з будынку, селі ў аўтамашыну "Джып-Чэрокі", якая належала Красоўскаму... Пасьля гэтага іх больш ня бачылі.
Як паведамляла пракуратура, якая распачала крымінальную справу па факце зьнікненьня В.Ганчара і А.Красоўскага, пры аглядзе прылеглай тэрыторыі былі знойдзеныя асколкі плясмасавых расьсейвальнікаў сьвятлосыгнальных прыбораў аўтамабіля, сьляды тармажэньня аўтамашыны і яе ўдару аб дрэва, а таксама сьляды крыві.
Беларуская і міжнародная грамадзкасьць лічыць, што В.Ганчар і А.Красоўскі былі выкрадзеныя па палітычных матывах, і падазрае ў датычнасьці да іх выкраданьня вышэйшых службовых асобаў Беларусі.
У Беларусі было яшчэ некалькі таямнічых зьнікненьняў і сьмерцяў палітыкаў. За тры з паловай месяцы да зьнікненьня Ганчара і Красоўскага, 7 траўня 1999 году пры нявысьветленых абставінах у двары свайго дома зьнік былы міністар унутраных справаў Беларусі генэрал Юры Захаранка.
7 ліпеня 2000 году таямніча зьнік па дарозе ў менскі аэрапорт тэлеапэратар Зьміцер Завадзкі.
6 красавіка 1999 году раптоўна памёр былы сьпікер Вярхоўнага Савета Генадзь Карпенка.
16 верасьня 2005 году жонка зьніклага Анатоля Красоўскага Ірына, журналістка Ірына Халіп і моладзевы актывіст Мікіта Сасім сталі ініцыятарамі Дня салідарнасьці, які праводзіцца штомесяц 16 чысла.
Да 11–й гадавіны зьнікненьня апанэнтаў улады ў Беларусі выходзіць кніга "Мы памятаем...". Гэта ўспаміны сяброў, родных, блізкіх зьніклых у Беларусі людзей, а таксама памерлага пры дзіўных абставінах Генадзя Карпенкі. Кніга выходзіць на трох мовах – беларускай, ангельскай і расейскай.
