Кампанію мастацтвазнаўцу Харэўскаму ў гэтай імпрэзе склалі пісьменьнік, мастак і выдавец Адам Глобус, мастак і рок-паэт Міхал Анемпадыстаў, мысьляр-культуроляг Валянцін Акудовіч і шмат хто яшчэ з шараговага люду.
Імпрэза пачалася тым, што спадар Харэўскі растлумачыў адкуль назва кнігі «ПраМоўленае». Гэта тэксты, якія былі напісаныя ў
Наступны выступоўца Міхал Анемпадыстаў, які афармляў кнігу "ПраМоўленае", таксама выпускнік гэтай самай вучэльні, але ён адзначыў, што аўтар кнігі Сяргей Харэўскі, – чалавек энцыкляпэдычных ведаў, якіх у Беларусі цяпер ужо вельмі мала, і таму ўсе ягоны тэксты, у тым ліку і гэтае кнігі, глыбока інтэлектуальныя тэксты. І вельмі хацеў бы быць ня толькі чытачом ягоных кнігаў, але яшчэ і студэнтам у ЭГУ, дзе спадар Харэўскі выкладае. Такое згаданьне ў сваім выступе прамовіў і вядомы філёзаф Вялянцін Акудовіч. Ён зазначыў, што ў гэтай кнізе – Сяргей Харэўскі тонкі эсэіст, які напісаў фактычна паэтычныя элегіі стратаў беларускай культуры. Гэта глыбока інтэлектуальныя элегіі ў адэкватных мастацкіх вобразах. Выдаўцом кнігі мусіў быў быць Зьміцер Колас, аднак ён сказаў жартуючы, што гэта шкодная кніжка, і яна была здадзеная ў друк на паліграфкамбінат, але там яе ня выдалі. У выніку кніга выйшла ў Вільні ў ЭГУ.
Сустрэча скончылася прысудам, што гэтая кніга – фактычна помнік ілюзіям адраджэнцкай моладзі 80-90-х гадоў. І сам аўтар згодны з гэтым. Зрэшты, ён ужо ў абладзе думак пра новую кнігу: "Зараз я завяршаю свой праект "10 твораў ХХ стагодзьдзя". Каб паставіць кропку, бо не люблю незавершаных праектаў. Палова кнігі фактычна ўжо была надрукавана напрыканцы 90-х у "Нашай Ніве". Я спадзяюся, што прыкладна ў лістападзе яна будзе таксама здадзена ў друк. А для сваёй малой дачкі Евы я ўжо пішу наступную кнігу "Ня ўсе пачвары жывуць у Афрыцы". Такім чынам, гэта будуць такія забаўныя апавядашкі пра розных жывёлаў, сярод якіх мы жывем, але не заўважаем”.
