Цыганкоў: Ці прапанавалі кіраўнікі вэртыкалі нейкія новыя арыенціры ідэалягічным супрацоўнікам? Ці яна зноў пацьвердзіла, што новых ідэяў у гэтай сфэры ў беларускай улады няма? Тады мэтай нарады было — дадаць строгасьці, прымусіць ідэалягічную вэртыкаль трымацца ў тонусе?
Класкоўскі: Ведаеце, абсалютна нічога новага. Дакладней, з трыбуны гэтага мерапрыемства шмат заклікалі да наватарства, але заклікалі менавіта зашмальцаванымі, шаблённымі фразамі. Гэткім самым чынам змагаліся з фармалізмам яшчэ на пленумах ЦК КПСС. Хіба што спадар Цапкала, дырэктар Парку высокіх тэхналёгіяў, прапанаваў арыгінальны лёзунг «чысьціня і парадак». Але гэта выклікае толькі іронію, бо тады галоўным ідэалягічным дапаможнікам варта зрабіць кніжку «Мойдодыр».
Калі ж сур’ёзна, то гэтае мерапрыемства безумоўна прызначанае выключна для таго, каб трымаць ідэолягаў у тонусе, бо хутка прэзыдэнцкія выбары. Была толькі прагматычная мэта — забясьпечыць ляяльнасьць. У выніку ўся ідэалягічная вэртыкаль — гэта такія своеасаблівыя наглядчыкі, «санітары» беларускай мадэлі, якія нястомна зачышчаюць яе ад рознай крамолы.
Цыганкоў: Як было паведамлена, неўзабаве пройдзе і нарада наконт дзейнасьці дзяржаўных СМІ. Чаму з надыходам выбараў улады ўсё больш увагі надаюць ідэалягічнай сфэры і чаго можна чакаць грамадзтву ў гэтай сувязі?
Класкоўскі: Пра мэдыі ўжо шмат казалі і на гэтым сэмінары. Высокае начальства крытыкавала прэсу за прымітывізм і бяззубасьць. Адчуваюць, што ўзровень ужо «ніжэйшы за плінтус». Пастаўлена канкрэтная задача — каб усе раёнкі займелі свае сайты. Плюс яшчэ адна «наватарская» прапанова — каб рэдактары заключалі кантракты з абласным начальствам, маўляў, сьмялейшымі стануць.
Але я думаю, усё гэта паліятывы, бо на сумныя сайты публіка не ламанецца. І рэдактары будуць адчуваць сябе шрубкамі вэртыкалі — прапануецца даць ім статус дзяржслужбоўцаў, але гэта яшчэ болей зьвяжа іх па руках і нагах.
Але ўвогуле ў год выбараў такія нарады, сэмінары, розныя накруткі будуць ісьці чарадой. Бо ёсьць канкрэтная задача. Трэба, каб ідэалягічная вэртыкаль была ў поўнай баявой гатоўнасьці, каб забясьпечыць чарговую «элегантную перамогу».
Класкоўскі: Ведаеце, абсалютна нічога новага. Дакладней, з трыбуны гэтага мерапрыемства шмат заклікалі да наватарства, але заклікалі менавіта зашмальцаванымі, шаблённымі фразамі. Гэткім самым чынам змагаліся з фармалізмам яшчэ на пленумах ЦК КПСС. Хіба што спадар Цапкала, дырэктар Парку высокіх тэхналёгіяў, прапанаваў арыгінальны лёзунг «чысьціня і парадак». Але гэта выклікае толькі іронію, бо тады галоўным ідэалягічным дапаможнікам варта зрабіць кніжку «Мойдодыр».
Гэтае мерапрыемства безумоўна прызначанае выключна для таго, каб трымаць ідэолягаў у тонусе, бо хутка прэзыдэнцкія выбары.
Цыганкоў: Як было паведамлена, неўзабаве пройдзе і нарада наконт дзейнасьці дзяржаўных СМІ. Чаму з надыходам выбараў улады ўсё больш увагі надаюць ідэалягічнай сфэры і чаго можна чакаць грамадзтву ў гэтай сувязі?
Класкоўскі: Пра мэдыі ўжо шмат казалі і на гэтым сэмінары. Высокае начальства крытыкавала прэсу за прымітывізм і бяззубасьць. Адчуваюць, што ўзровень ужо «ніжэйшы за плінтус». Пастаўлена канкрэтная задача — каб усе раёнкі займелі свае сайты. Плюс яшчэ адна «наватарская» прапанова — каб рэдактары заключалі кантракты з абласным начальствам, маўляў, сьмялейшымі стануць.
Але я думаю, усё гэта паліятывы, бо на сумныя сайты публіка не ламанецца. І рэдактары будуць адчуваць сябе шрубкамі вэртыкалі — прапануецца даць ім статус дзяржслужбоўцаў, але гэта яшчэ болей зьвяжа іх па руках і нагах.
Але ўвогуле ў год выбараў такія нарады, сэмінары, розныя накруткі будуць ісьці чарадой. Бо ёсьць канкрэтная задача. Трэба, каб ідэалягічная вэртыкаль была ў поўнай баявой гатоўнасьці, каб забясьпечыць чарговую «элегантную перамогу».
