Жыхары 12 з 15 постсавецкіх краінаў пачалі больш давяраць мясцовай валюце ці эўра. Давер да нацыянальнай валюты ў Беларусі адзін з найменшых. Такія высновы сёлетняга дасьледаваньня Інстытуту Гэлапа.
Многія дзесяцігодзьдзі амэрыканскі даляр заставаўся сусьветнай рэзэрвовай валютай. У многіх краінах, у тым ліку і былых савецкіх, яго цанілі больш, чым свае грошы. З аслабленьнем даляра давер пераключыўся на мясцовыя валюты і эўра. Толькі жыхары Ўзбэкістану па-ранейшаму аддаюць перавагу даляру. Найніжэйшы давер да даляра зафіксаваны ў Расеі і Літве (4%).
У Беларусі і Эстоніі праяўляюць найменшы давер да нацыянальных валют – рубля і кроны. Беларусы аказаліся лідэрамі ў разьмеркаваньні “яек” па розных кошыках – 22 % апытаных лічаць, што захоўваць грошы ў некалькіх валютах найбольш прыбыткова і бясьпечна. Аўтары дасьледаваньня адзначаюць, што такая выснова цалкам лягічная ў краіне, якая прывязала курс BLR да трох валют – расейскага рубля, даляра і эўра. У прыбалтыйскіх краінах, што сталі сябрамі Эўразьвязу, цалкам лягічны найбольш высокі давер да эўра. Такая самая тэндэнцыя назіраецца ў Грузіі і Малдове.
У якой валюце, на вашу думку, найбольш выгадна і бясьпечна зьберагаць грошы?
Вынікі дасьледаваньня базуюцца на пэрсанальных апытаньнях, якія супрацоўнікі Інстытуту Гэлапа правялі ў красавіку-жніўні ва ўсіх 15 былых савецкіх краінах. У кожнай зь іх былі апытаныя ад 500 да 2000 людзей у веку ад 15 гадоў і старэйшыя.
Нягледзячы на нядаўняе ўмацаваньне даляра , дадзеныя Гэлапа ставяць пад сумненьне будучыню сусьветнай залежнасьці ад амэрыканскай валюты. Многія з краін былога СССР могуць схіліцца да ідэі, якую ўжо пачалі абмяркоўваць Кітай і Расея – замяніць рэзэрвы ў далярах іншай наднацыянальнай валютай.
Многія дзесяцігодзьдзі амэрыканскі даляр заставаўся сусьветнай рэзэрвовай валютай. У многіх краінах, у тым ліку і былых савецкіх, яго цанілі больш, чым свае грошы. З аслабленьнем даляра давер пераключыўся на мясцовыя валюты і эўра. Толькі жыхары Ўзбэкістану па-ранейшаму аддаюць перавагу даляру. Найніжэйшы давер да даляра зафіксаваны ў Расеі і Літве (4%).
У Беларусі і Эстоніі праяўляюць найменшы давер да нацыянальных валют – рубля і кроны. Беларусы аказаліся лідэрамі ў разьмеркаваньні “яек” па розных кошыках – 22 % апытаных лічаць, што захоўваць грошы ў некалькіх валютах найбольш прыбыткова і бясьпечна. Аўтары дасьледаваньня адзначаюць, што такая выснова цалкам лягічная ў краіне, якая прывязала курс BLR да трох валют – расейскага рубля, даляра і эўра. У прыбалтыйскіх краінах, што сталі сябрамі Эўразьвязу, цалкам лягічны найбольш высокі давер да эўра. Такая самая тэндэнцыя назіраецца ў Грузіі і Малдове.
У якой валюце, на вашу думку, найбольш выгадна і бясьпечна зьберагаць грошы?
У мясцовай У далярах У эўрах У некалькіх Капіць грошы Ня ведаю
валюце валютах нявыгадна
% % % % % %
Туркмэністан 79 12 3 3 1 2
Азэрбайджан 69 17 9 2 2 2
Армэнія 53 14 18 1 4 10
Казахстан 41 12 12 8 6 21
Кіргістан 40 21 11 2 3 22
Таджыкістан 34 29 7 3 2 26
Расея 33 4 16 10 13 23
Узбэкістан 32 41 2 1 12 12
Малдова 32 7 36 9 2 13
Украіна 27 10 19 10 9 25
Грузія 20 24 38 1 3 14
Латвія 19 7 53 5 6 11
Літва 17 4 56 3 7 13
Беларусь 13 17 21 22 7 21
Эстонія 10 7 47 11 8 17
Вынікі дасьледаваньня базуюцца на пэрсанальных апытаньнях, якія супрацоўнікі Інстытуту Гэлапа правялі ў красавіку-жніўні ва ўсіх 15 былых савецкіх краінах. У кожнай зь іх былі апытаныя ад 500 да 2000 людзей у веку ад 15 гадоў і старэйшыя.
Нягледзячы на нядаўняе ўмацаваньне даляра , дадзеныя Гэлапа ставяць пад сумненьне будучыню сусьветнай залежнасьці ад амэрыканскай валюты. Многія з краін былога СССР могуць схіліцца да ідэі, якую ўжо пачалі абмяркоўваць Кітай і Расея – замяніць рэзэрвы ў далярах іншай наднацыянальнай валютай.
