Час перапынку на абед. Апошнімі днямі ў аптэцы “Бераліна” на праспэкце Незалежнасьці ў гэты час яблыку няма дзе ўпасьці — уся невялікая прастора запоўнена людзьмі ў чарзе па лекі і прафіляктычныя сродкі. Сёньня ж — тры чалавекі ў адну касу і два — у другую.
Аказваецца, асноўны наплыў людзей быў зранку, распавядае супрацоўніца:
— У нас шмат людзей. З раніцы прыйшоў проста натоўп — акурат да адкрыцьця.
—А што найперш набываюць?
—Сродкі прафіляктыкі ад грыпу ў першую чаргу, вітаміны…
— А павязкі?
— Павязак цяпер, на жаль, няма.
—А ці пытаюцца іх?
— Так, пытаюцца, але мы прапаноўваем самастойна іх шыць — марля, бінт для гэтага ёсьць у наяўнасьці.
— А ці зьявіўся «Грапрынасін»?
— Не, пакуль што яго як не было, так і няма.
Жанчына прыйшла ў аптэку па вітаміны. На яе погляд, паніка псуе псыхіку і зьніжае імунітэт.
— Чым вы засьцерагаецеся ад грыпу?
— Здаровым ладам жыцьця.
— Вітаміны п’яце?
— Вітаміны трэба піць адмыслова курсамі, незалежна ад таго, ёсьць цяпер эпідэмія ці яе няма.
— Ну, а падставы для панікі ёсьць, на ваш погляд, ці проста трэба жыць сабе спакойна?
— Спакойным быць — спакойным жыць.
Мужчына выходзіць з аптэкі з набыткам у фірмовым пакеціку. Але, аказваецца, да грыпу гэта дачыненьня ня мае.
— Я не хварэю — дык і ня ведаю асабліва.
— А ў аптэку па іншае хадзілі?
— Ды гэта не ад грыпу, гэта папрасілі мяне для ног сродак набыць.
— А грыпу як сьцеражацеся?
— Я? Я гарэлку п’ю. Зь перцам.
Маладыя дзяўчаты таксама лічаць галоўным спакой і здаровы лад жыцьця:
— Ну, калі мы едзем у нейкія людныя месцы — то тады маскамі карыстаемся, нам выдаюць на працы штодня. У МТС працуем — яны ўсіх сваіх супрацоўнікаў забясьпечваюць бясплатнымі маскамі. А паніка… Напэўна, сьціхае — учора нават паказвалі па тэлебачаньні, што людзі спрабуюць здаць мэдыкамэнты ў аптэку назад. І маскі таксама.
У даведцы 180 сказалі, што шмат хто пытаецца “Таміфлю” — сродак менавіта супраць сьвінога грыпу. Але пакуль што яго ў менскіх аптэках няма:
— Пакуль што прагназуюць, што праз тыдні два зьявіцца ў дзяржаўных аптэках спачатку. Але гэта прагноз толькі. Чакаем пастаўкі, як толькі паставяць — зьявіцца. Рэгістрацыя ў яго ёсьць.
На сайце Міністэрства аховы здароўя новай інфармацыі пра колькасьць захворваньняў на грып і пнэўманію не зьявілася. Паводле стану на 5 лістапада Мінздраў дае гэткія лічбы: 2154 чалавекі знаходзяцца на лячэньні, у некаторых адзначаюць цяжкое цячэньне хваробы. За гэты пэрыяд ад пнэўманіі памерла 19 чалавек, у 7 зь іх лябараторна выявілі вірус грыпу А (H1N1).
Аказваецца, асноўны наплыў людзей быў зранку, распавядае супрацоўніца:
— У нас шмат людзей. З раніцы прыйшоў проста натоўп — акурат да адкрыцьця.
—А што найперш набываюць?
—Сродкі прафіляктыкі ад грыпу ў першую чаргу, вітаміны…
— А павязкі?
— Павязак цяпер, на жаль, няма.
—А ці пытаюцца іх?
— Так, пытаюцца, але мы прапаноўваем самастойна іх шыць — марля, бінт для гэтага ёсьць у наяўнасьці.
— А ці зьявіўся «Грапрынасін»?
— Не, пакуль што яго як не было, так і няма.
Жанчына прыйшла ў аптэку па вітаміны. На яе погляд, паніка псуе псыхіку і зьніжае імунітэт.
— Чым вы засьцерагаецеся ад грыпу?
— Здаровым ладам жыцьця.
— Вітаміны п’яце?
— Вітаміны трэба піць адмыслова курсамі, незалежна ад таго, ёсьць цяпер эпідэмія ці яе няма.
— Ну, а падставы для панікі ёсьць, на ваш погляд, ці проста трэба жыць сабе спакойна?
— Спакойным быць — спакойным жыць.
Мужчына выходзіць з аптэкі з набыткам у фірмовым пакеціку. Але, аказваецца, да грыпу гэта дачыненьня ня мае.
— Я не хварэю — дык і ня ведаю асабліва.
— А ў аптэку па іншае хадзілі?
— Ды гэта не ад грыпу, гэта папрасілі мяне для ног сродак набыць.
— А грыпу як сьцеражацеся?
— Я? Я гарэлку п’ю. Зь перцам.
Маладыя дзяўчаты таксама лічаць галоўным спакой і здаровы лад жыцьця:
— Ну, калі мы едзем у нейкія людныя месцы — то тады маскамі карыстаемся, нам выдаюць на працы штодня. У МТС працуем — яны ўсіх сваіх супрацоўнікаў забясьпечваюць бясплатнымі маскамі. А паніка… Напэўна, сьціхае — учора нават паказвалі па тэлебачаньні, што людзі спрабуюць здаць мэдыкамэнты ў аптэку назад. І маскі таксама.
У даведцы 180 сказалі, што шмат хто пытаецца “Таміфлю” — сродак менавіта супраць сьвінога грыпу. Але пакуль што яго ў менскіх аптэках няма:
— Пакуль што прагназуюць, што праз тыдні два зьявіцца ў дзяржаўных аптэках спачатку. Але гэта прагноз толькі. Чакаем пастаўкі, як толькі паставяць — зьявіцца. Рэгістрацыя ў яго ёсьць.
На сайце Міністэрства аховы здароўя новай інфармацыі пра колькасьць захворваньняў на грып і пнэўманію не зьявілася. Паводле стану на 5 лістапада Мінздраў дае гэткія лічбы: 2154 чалавекі знаходзяцца на лячэньні, у некаторых адзначаюць цяжкое цячэньне хваробы. За гэты пэрыяд ад пнэўманіі памерла 19 чалавек, у 7 зь іх лябараторна выявілі вірус грыпу А (H1N1).
