Нямецкая прэса па-ранейшаму абмінае маўчаньнем учорашні візыт у Беларусь колішняга кіраўніка нямецкага МЗС Ганса-Дытрыха Геншэра і ягоныя сустрэчы зь міністрам Сяргеем Мартынавым і беларускім прэзыдэнтам Аляксандрам Лукашэнкам.
Ніякіх тлумачэньняў не дае ні замежнапалітычнае ведамства Нямеччыны, ні офіс самога Геншэра, цяперашняга ганаровага старшыні партыі нямецкіх свабодных дэмакратаў.
Суразмоўцы “Свабоды” — вядомы нямецкі палітык і дыплямат Ганс-Георг Вік і аглядальнік нямецкага радыё Райнгард Лаўтэрбах — лічаць, што ў гэтага маўчаньня ёсьць пэўныя, аднак невядомыя, прычыны.
Ганс-Георг Вік: “На жаль, я нічога не знайшоў ні ў нямецкай, ні ў міжнароднай прэсе пра візыт, які ня мог ня выклікаць пэўнай цікаўнасьці сярод палітыкаў і грамадзкіх дзеячаў як у Нямеччыне, так і ў Беларусі. Я азнаёміўся з афіцыйнай інфармацыяй беларускага боку. Аднак гэтага для мяне вельмі мала, каб камэнтаваць такую сустрэчу”.
Карэспандэнтка: “Як вы лічыце, чаму нямецкая прэса пра гэта нічога не паведаміла, а беларуская праінфармавала ў агульных рысах?”
Вік: “Я не хачу спэкуляваць, аднак мне падаецца, што пры асьвятленьні гэтага візыту беларускім бокам карты вырашана не раскрываць. А ў Нямеччыне пра гэта нічога ўвогуле ня пішуць.Аднак я не хачу нічога казаць у гэтым зьвязку, пакуль у нямецкіх СМІ ня зьявіцца тлумачэньняў ці камэнтароў з боку партыі вольных дэмакратаў, да якой належыць Геншэр”.
Прыхаваны характар візыту патрыярха нямецкай дыпляматыі прызнаецца і нямецкімі палітычнымі аглядальнікамі. Гаворыць нямецкі журналіст Райнгард Лаўтэрбах, колішні карэспандэнт нямецкага радыё па Беларусі і Ўкраіне.
Лаўтэрбах: “Нямецкая прэса, як ні дзіўна, ня піша пра гэта нічога. Што да МЗС і офісу Геншэра, то там цалкам адмаўляюцца камэнтаваць менскія сустрэчы дыплямата. Відавочна, у нас ня хочуць, каб матывы гэтай паездкі былі вядомымі. З аднаго боку, гэта зразумела, бо яшчэ ў дачыненьні да беларускага кіраўніка і групы чыноўнікаў дзейнічаюць санкцыі, тым больш што Геншэр сёньня не актыўны палітык, ён проста ганаровы старшыня партыі вольных дэмакратаў. Тым ня менш гэта дае яму нейкае поле для манэўра, якога б актыўна дзеючы палітык ня меў. Пагатоў цяпер усе нашы актыўныя палітыкі займаюцца выбарамі…”
Карэспандэнтка: “Аднак у асяродку беларускіх назіральнікаў зьявіліся спэкуляцыі, што Геншэр — чалавек старшыні гэтай партыі Вэстэрвэле. У выпадку перамогі кааліцыі ХДС і вольных дэмакратаў на маючых адбыцца выбарах гэты палітык прэтэндуе на пасаду кіраўніка нямецкага МЗС…”
Лаўтэрбах: “Нават калі Вэстэрвэле сапраўды стане міністрам замежных спраў, то беларускае пытаньне для яго ўсё ж не такое ўжо набалелае, каб яго трэба было вырашаць за пару тыдняў да выбараў. Дарэчы, мяркуючы па розных апытаньнях, пакуль яшчэ зусім няма пэўнасьці, што Вэстэрвэле стане міністрам. Асабіста я лічу, што візыт Геншэра мае большае дачыненьне да беларускай палітыкі, чым да нямецкаай. Што, аднак, мяне дзівіць, — што пры поўным маўчаньні нямецкага боку беларускі бок дае афіцыйныя паведамленьні наконт гэтага, пакзвае сустрэчу праз тэлебачаньне.
Амэрыканскаму сьпеваку Бобу Дылану належаць такія словы: “Something is happening, but you don’t know, what it is…” (Штосьці адбываецца, аднак невядома што…).
Ніякіх тлумачэньняў не дае ні замежнапалітычнае ведамства Нямеччыны, ні офіс самога Геншэра, цяперашняга ганаровага старшыні партыі нямецкіх свабодных дэмакратаў.
Суразмоўцы “Свабоды” — вядомы нямецкі палітык і дыплямат Ганс-Георг Вік і аглядальнік нямецкага радыё Райнгард Лаўтэрбах — лічаць, што ў гэтага маўчаньня ёсьць пэўныя, аднак невядомыя, прычыны.
Ганс-Георг Вік: “На жаль, я нічога не знайшоў ні ў нямецкай, ні ў міжнароднай прэсе пра візыт, які ня мог ня выклікаць пэўнай цікаўнасьці сярод палітыкаў і грамадзкіх дзеячаў як у Нямеччыне, так і ў Беларусі. Я азнаёміўся з афіцыйнай інфармацыяй беларускага боку. Аднак гэтага для мяне вельмі мала, каб камэнтаваць такую сустрэчу”.
Карэспандэнтка: “Як вы лічыце, чаму нямецкая прэса пра гэта нічога не паведаміла, а беларуская праінфармавала ў агульных рысах?”
Вік: “Я не хачу спэкуляваць, аднак мне падаецца, што пры асьвятленьні гэтага візыту беларускім бокам карты вырашана не раскрываць. А ў Нямеччыне пра гэта нічога ўвогуле ня пішуць.Аднак я не хачу нічога казаць у гэтым зьвязку, пакуль у нямецкіх СМІ ня зьявіцца тлумачэньняў ці камэнтароў з боку партыі вольных дэмакратаў, да якой належыць Геншэр”.
Прыхаваны характар візыту патрыярха нямецкай дыпляматыі прызнаецца і нямецкімі палітычнымі аглядальнікамі. Гаворыць нямецкі журналіст Райнгард Лаўтэрбах, колішні карэспандэнт нямецкага радыё па Беларусі і Ўкраіне.
Лаўтэрбах: “Нямецкая прэса, як ні дзіўна, ня піша пра гэта нічога. Што да МЗС і офісу Геншэра, то там цалкам адмаўляюцца камэнтаваць менскія сустрэчы дыплямата. Відавочна, у нас ня хочуць, каб матывы гэтай паездкі былі вядомымі. З аднаго боку, гэта зразумела, бо яшчэ ў дачыненьні да беларускага кіраўніка і групы чыноўнікаў дзейнічаюць санкцыі, тым больш што Геншэр сёньня не актыўны палітык, ён проста ганаровы старшыня партыі вольных дэмакратаў. Тым ня менш гэта дае яму нейкае поле для манэўра, якога б актыўна дзеючы палітык ня меў. Пагатоў цяпер усе нашы актыўныя палітыкі займаюцца выбарамі…”
Карэспандэнтка: “Аднак у асяродку беларускіх назіральнікаў зьявіліся спэкуляцыі, што Геншэр — чалавек старшыні гэтай партыі Вэстэрвэле. У выпадку перамогі кааліцыі ХДС і вольных дэмакратаў на маючых адбыцца выбарах гэты палітык прэтэндуе на пасаду кіраўніка нямецкага МЗС…”
Лаўтэрбах: “Нават калі Вэстэрвэле сапраўды стане міністрам замежных спраў, то беларускае пытаньне для яго ўсё ж не такое ўжо набалелае, каб яго трэба было вырашаць за пару тыдняў да выбараў. Дарэчы, мяркуючы па розных апытаньнях, пакуль яшчэ зусім няма пэўнасьці, што Вэстэрвэле стане міністрам. Асабіста я лічу, што візыт Геншэра мае большае дачыненьне да беларускай палітыкі, чым да нямецкаай. Што, аднак, мяне дзівіць, — што пры поўным маўчаньні нямецкага боку беларускі бок дае афіцыйныя паведамленьні наконт гэтага, пакзвае сустрэчу праз тэлебачаньне.
Амэрыканскаму сьпеваку Бобу Дылану належаць такія словы: “Something is happening, but you don’t know, what it is…” (Штосьці адбываецца, аднак невядома што…).
