Найвышэйшую адзнаку, 100 балаў, набралі на цэнтралізаваным тэставаньні хоць па адным прадмеце 206 чалавек. Летась максымальных вынікаў было 77. Але былі і нулявыя вынікі: ніводнага бала па матэматыцы не зарабілі 254 чалавекі, па расейскай мове — 9. Што да агульных вынікаў, дырэктар Рэспубліканскага інстытуту кантролю ведаў Мікалай Фяськоў кажа:
“Вы пытаецеся — як напісалі, добра альбо дрэнна. Вось добра — гэта калі шмат 100-бальнікаў, дрэнна — гэта, як вы кажаце, нізкі сярэдні бал. Цэнтралізаванае тэставаньне не зьяўляецца сродкам вызначэньня ўзроўню падрыхтоўкі. Гэта сыстэма, якая вызначае рэйтынг кожнага вучня ў агульнай сыстэме, то бок вызначае, якое месца займае вучань сярод 175 тысяч чалавек”.
Дарэчы, больш за ўсё максымальных, 100-бальных вынікаў — менавіта па беларускай мове: 122 (з 206). Але разам з тым Мікалай Фяськоў адзначае:
Мікалай Фяськоў
“Зьмяншаецца колькасьць тых, хто здае беларускую мову. На наш погляд, гэта зьвязана з тым, што беларускую мову ідуць здаваць тыя, хто добра ведае і расейскую, і беларускую мовы. Але агульная пісьменнасьць падае. На 10 і меней балаў летась здалі беларускую мову 6,6%, сёлета — 4,4%. На 20 і ніжэй — летась 29,4%, сёлета 20,3%”.
Сёлета ва ўсіх абітурыентаў была магчымасьць па любым прадмеце здаваць тэст на беларускай мове, нават там, дзе быў адзін ахвотны, запэўніў спадар Фяськоў:
“На жаль, штогод на невялікі працэнт зьніжаецца колькасьць тых, хто здае на беларускай мове, і павялічваецца колькасьць тых, хто здае на расейскай мове. Гісторыю Беларусі 38% здавалі на расейскай мове, 62% — на беларускай. Па ўсіх астатніх прадметах — ад 4 да 6% выконвалі тэсты па-беларуску, акрамя ўсясьветнай гісторыі, дзе 10% здавалі па-беларуску”.
І ўсё ж такі, ці хапае школьных ведаў, каб пасьпяхова выканаць тэставыя заданьні, ці можна без рэпэтытараў як мае быць падрыхтавацца? Настаўнік беларускай мовы і літаратуры з Іванаўскага раёну Рыгор Сыраватка распавёў:
“На маю думку, школьных ведаў, канечне, не хапае. Праграма не прадугледжвае нармальнай падрыхтоўкі да ўзроўню тэставаньня. Па-другое, у гэтым годзе выпускнікі за адзін год павінны былі засвоіць праграму двух гадоў. Тым больш, да прыкладу, у нашай школе займаліся практычна без падручнікаў. Таму, канечне, вучням было складана”.
Былі падчас цэнтралізаванага тэставаньня і кур’ёзныя выпадкі. Па біялёгіі трэба было назваць на малюнку часткі расьліны, дык 5% не пазналі ліст. А вось што тычыцца аб’ектыўнасьці ацэнкі ведаў, асабліва па гуманітарных прадметах, спадар Фяськоў кажа:
“Ідэальных сыстэм не існуе. Гэтая таксама не ідэальная. Калі мы кажам пра аб’ектыўнасьць і справядлівасьць, то гэтай роўных няма. І не было выпадкаў, калі той, хто добра ведае і размаўляе, атрымае нізкую адзнаку, а той, хто нямы і ня ведае, — высокую адзнаку”.
На думку дырэктара Рэспубліканскага інстытуту кантролю ведаў Мікалая Фяськова, сярэднепрахадны бал па выніках тэставаньня будзе, хутчэй за ўсё, гэткі самы, як і ў мінулым годзе.
“Вы пытаецеся — як напісалі, добра альбо дрэнна. Вось добра — гэта калі шмат 100-бальнікаў, дрэнна — гэта, як вы кажаце, нізкі сярэдні бал. Цэнтралізаванае тэставаньне не зьяўляецца сродкам вызначэньня ўзроўню падрыхтоўкі. Гэта сыстэма, якая вызначае рэйтынг кожнага вучня ў агульнай сыстэме, то бок вызначае, якое месца займае вучань сярод 175 тысяч чалавек”.
Дарэчы, больш за ўсё максымальных, 100-бальных вынікаў — менавіта па беларускай мове: 122 (з 206). Але разам з тым Мікалай Фяськоў адзначае:
“Зьмяншаецца колькасьць тых, хто здае беларускую мову. На наш погляд, гэта зьвязана з тым, што беларускую мову ідуць здаваць тыя, хто добра ведае і расейскую, і беларускую мовы. Але агульная пісьменнасьць падае. На 10 і меней балаў летась здалі беларускую мову 6,6%, сёлета — 4,4%. На 20 і ніжэй — летась 29,4%, сёлета 20,3%”.
Сёлета ва ўсіх абітурыентаў была магчымасьць па любым прадмеце здаваць тэст на беларускай мове, нават там, дзе быў адзін ахвотны, запэўніў спадар Фяськоў:
“На жаль, штогод на невялікі працэнт зьніжаецца колькасьць тых, хто здае на беларускай мове, і павялічваецца колькасьць тых, хто здае на расейскай мове. Гісторыю Беларусі 38% здавалі на расейскай мове, 62% — на беларускай. Па ўсіх астатніх прадметах — ад 4 да 6% выконвалі тэсты па-беларуску, акрамя ўсясьветнай гісторыі, дзе 10% здавалі па-беларуску”.
І ўсё ж такі, ці хапае школьных ведаў, каб пасьпяхова выканаць тэставыя заданьні, ці можна без рэпэтытараў як мае быць падрыхтавацца? Настаўнік беларускай мовы і літаратуры з Іванаўскага раёну Рыгор Сыраватка распавёў:
“На маю думку, школьных ведаў, канечне, не хапае. Праграма не прадугледжвае нармальнай падрыхтоўкі да ўзроўню тэставаньня. Па-другое, у гэтым годзе выпускнікі за адзін год павінны былі засвоіць праграму двух гадоў. Тым больш, да прыкладу, у нашай школе займаліся практычна без падручнікаў. Таму, канечне, вучням было складана”.
Былі падчас цэнтралізаванага тэставаньня і кур’ёзныя выпадкі. Па біялёгіі трэба было назваць на малюнку часткі расьліны, дык 5% не пазналі ліст. А вось што тычыцца аб’ектыўнасьці ацэнкі ведаў, асабліва па гуманітарных прадметах, спадар Фяськоў кажа:
“Ідэальных сыстэм не існуе. Гэтая таксама не ідэальная. Калі мы кажам пра аб’ектыўнасьць і справядлівасьць, то гэтай роўных няма. І не было выпадкаў, калі той, хто добра ведае і размаўляе, атрымае нізкую адзнаку, а той, хто нямы і ня ведае, — высокую адзнаку”.
На думку дырэктара Рэспубліканскага інстытуту кантролю ведаў Мікалая Фяськова, сярэднепрахадны бал па выніках тэставаньня будзе, хутчэй за ўсё, гэткі самы, як і ў мінулым годзе.
