20 траўня спаўняецца 55 гадоў беларускай службе Радыё Свабода. Да гэтай гадавіны выйшла кніга “Адзін дзень палітвязьня”, 15-я кніга з сэрыі “Бібліятэка Свабоды. XXI стагодзьдзе”. У кнізе — гісторыі 41 беларускага палітвязьня ад 1996 да 2008 году. Пра новую кнігу “Свабоды” — старшыня Партыі БНФ Лявон Баршчэўскі.
Лявон Баршчэўскі: “Вельмі добра, што такая кніга зьявілася. Канечне, калі б 15 гадоў таму нехта сказаў, што ў 2009 годзе ў нас будуць выходзіць кнігі пра гісторыі палітвязьняў, я б не паверыў. Я ня думаў, што дойдзе да таго, што ў нас будуць саджаць людзей за краты за іх погляды. Але дайшло. І вельмі добра, што кніжка зьявілася. Яна своечасовая, яна павінна даваць прыклад нязломнасьці людзей, герояў гэтай кнігі. У абсалютнай бальшыні яны здолелі застацца верным сваім поглядам і ў прынцыпе застацца на полі барацьбы з рэжымам.
Можа, там не хапае гістарычнага экскурсу, што першымі з прыходам рэжыму Лукашэнкі за сваю палітычную дзейнасьць пацярпелі мэтрапалітэнаўцы. У прыватнасьці, Генадзь Быкаў і Сяргей Антончык , якіх спрабавалі прыцягнуць да справы страйку мэтрапалітэнаўцаў. Гэта былі першыя палітвязьні, праўда, не на доўгія тэрміны. І, можа, згадкі гэтых прозьвішчаў бракуе дзеля гістарычнай справядлівасьці.
Але ўсе героі гэтай кнігі — гэта сапраўды тыя, хто атрымаў вялікія тэрміны, значныя тэрміны, быў пазбаўлены шэрагу сваіх правоў і мусіў заставацца непахісным і цьвёрдым. Таму кніжка вельмі патрэбная і своечасовая. Нават добра, каб яна выйшла яшчэ на некалькі гадоў раней”.
Лявон Баршчэўскі: “Вельмі добра, што такая кніга зьявілася. Канечне, калі б 15 гадоў таму нехта сказаў, што ў 2009 годзе ў нас будуць выходзіць кнігі пра гісторыі палітвязьняў, я б не паверыў. Я ня думаў, што дойдзе да таго, што ў нас будуць саджаць людзей за краты за іх погляды. Але дайшло. І вельмі добра, што кніжка зьявілася. Яна своечасовая, яна павінна даваць прыклад нязломнасьці людзей, герояў гэтай кнігі. У абсалютнай бальшыні яны здолелі застацца верным сваім поглядам і ў прынцыпе застацца на полі барацьбы з рэжымам.
Можа, там не хапае гістарычнага экскурсу, што першымі з прыходам рэжыму Лукашэнкі за сваю палітычную дзейнасьць пацярпелі мэтрапалітэнаўцы. У прыватнасьці, Генадзь Быкаў і Сяргей Антончык , якіх спрабавалі прыцягнуць да справы страйку мэтрапалітэнаўцаў. Гэта былі першыя палітвязьні, праўда, не на доўгія тэрміны. І, можа, згадкі гэтых прозьвішчаў бракуе дзеля гістарычнай справядлівасьці.
Але ўсе героі гэтай кнігі — гэта сапраўды тыя, хто атрымаў вялікія тэрміны, значныя тэрміны, быў пазбаўлены шэрагу сваіх правоў і мусіў заставацца непахісным і цьвёрдым. Таму кніжка вельмі патрэбная і своечасовая. Нават добра, каб яна выйшла яшчэ на некалькі гадоў раней”.
