Яе старшыня Анатоль Лябедзька згадаў, што Юры Захаранка ўваходзіў у склад кіраўніцтва АГП:
“У сераду, 22 красавіка, наша партыя афіцыйна зьвернецца да калегаў з Аб’яднаных дэмакратычных сілаў, каб яны падтрымалі нашу ініцыятыву. Наш таварыш быў гвалтоўна выкрадзены менавіта 7 траўня. У гэты дзень сёлета Аляксандар Лукашэнка магчыма будзе ў Празе. Але незалежна ад таго, ці ён паедзе туды, ці застанецца ў Беларусі, мы такую акцыю правядзем”.
З боку дзяржавы дагэтуль не прадпрымаліся сур'ёзныя спробы расьсьледваньня зьнікненьня экс-міністра. Паводле словаў палітычнага эмігранта й былога начальніка СІЗА №1 Алега Алкаева Юры Захаранка быў выкрадзены, а пасьля гэтага расстраляны паводле загадаў людзей, набліжаных да Аляксандра Лукашэнкі.
Сям'я Юрыя Захаранка — жонка, дзьве дачкі й ўнукі — вось ужо некалькі гадоў жывуць уНямеччыне, дзе атрымалі палітычны прытулак.
