Як паведамілі ў прэсавай службе беларускага МЗС, зь беларускага боку дакумэнт падпісаў кіраўнік дэпартамэнту па гуманітарнай дапамозе Ўпраўленьня справамі прэзыдэнта Аляксандар Каляда, а з ірляндзкага — амбасадар гэтай краіны ў Расеі і Беларусі Джастын Гарман.
Праграмы аздараўленьня беларускіх дзяцей у замежжы былі спыненыя яшчэ ўвосень указам № 555 прэзыдэнта Лукашэнкі ў сувязі з выпадкамі, калі падлеткі не вярталіся з вакацыяў. Беларускі бок патрабаваў ад краін-партнэраў гарантый, што дзеці вернуцца дадому. Таксама былі выстаўленыя іншыя ўмовы. Напрыклад, дзеці, якія выяжджаюць на вакацыі, ня могуць быць старэйшымі за 14 гадоў і ня могуць адпачываць у адной і той жа замежнай краіне часьцей за тры разы.
Пры канцы мінулага году, напярэдадні Калядаў, ірляндзкі МЗС папрасіў беларускае кіраўніцтва зрабіць для ірляндзкіх чарнобыльскіх ініцыятываў выключэньне ды захаваць у новых дамоўленасьцях старыя ўмовы. А менавіта — пакінуць узроставыя межы для дзяцей ранейшымі (ад 7 да 18 гадоў) і не абмяжоўваць колькасьць паездак.
Улічваючы маштабны характар чарнобыльскіх праграмаў у Ірляндыі, беларускі бок задаволіў просьбу Дубліна.
Паводле міністэрства замежных спраў Ірляндыі, урад гэтай краіны правёў вялікую і складаную працу, каб дасягнуць пагадненьня зь Менскам.
Праграмы аздараўленьня беларускіх дзяцей у замежжы былі спыненыя яшчэ ўвосень указам № 555 прэзыдэнта Лукашэнкі ў сувязі з выпадкамі, калі падлеткі не вярталіся з вакацыяў. Беларускі бок патрабаваў ад краін-партнэраў гарантый, што дзеці вернуцца дадому. Таксама былі выстаўленыя іншыя ўмовы. Напрыклад, дзеці, якія выяжджаюць на вакацыі, ня могуць быць старэйшымі за 14 гадоў і ня могуць адпачываць у адной і той жа замежнай краіне часьцей за тры разы.
Пры канцы мінулага году, напярэдадні Калядаў, ірляндзкі МЗС папрасіў беларускае кіраўніцтва зрабіць для ірляндзкіх чарнобыльскіх ініцыятываў выключэньне ды захаваць у новых дамоўленасьцях старыя ўмовы. А менавіта — пакінуць узроставыя межы для дзяцей ранейшымі (ад 7 да 18 гадоў) і не абмяжоўваць колькасьць паездак.
Улічваючы маштабны характар чарнобыльскіх праграмаў у Ірляндыі, беларускі бок задаволіў просьбу Дубліна.
Паводле міністэрства замежных спраў Ірляндыі, урад гэтай краіны правёў вялікую і складаную працу, каб дасягнуць пагадненьня зь Менскам.
