“Газпром” чакае незалежных назіральнікаў

Заява прагучала ў Эўрапарлямэнце ў Брусэлі. Пратакол аб разьмяшчэньні такіх назіральнікаў Мілер перадаў кіраўніку Эўракамісіі Жазэ Мануэлу Барозу.

У Брусэлі таксама знаходзіцца кіраўнік Нафтагазу Украіны Алег Дубіна. Ён заявіў, што Кіеў гарантуе транзыт расейскага газу ў Эўропу, калі Масква адновіць пастаўкі.

На гэты час больш за дзясятак эўрапейскіх краін не атрымліваюць расейскі газ праз Украіну. Яны вымушаныя адкрываць свае рэзэрвы і скарачаць спажываньне газу. Эўразьвяз папярэдзіў Маскву і Кіеў аб нэгатыўных наступствах, калі спрэчка ня будзе хутка вырашаная.