Альгерд Бахарэвіч
Альгерд Бахарэвіч. Нарадзіўся 31 студзеня 1975 г. у Менску. Беларускі пісьменьнік і перакладнік. Скончыў філялягічны факультэт Менскага дзяржаўнага пэдагагічнага ўнівэрсытэту.
Працаваў настаўнікам, журналістам, некалькі апошніх гадоў стала займаецца літаратурнай працай. Быў адным са стваральнікаў і лідэрам панк-гурту «Правакацыя», актыўным удзельнікам моладзевага творчага руху «Бум-Бам-Літ», сябра літаратурнай суполкі «SCHMERZWERK».
Пісаць пачаў яшчэ школьнікам. Цяпер ён — аўтар некалькіх кнігаў прозы.
Творы Альгерда Бахарэвіча перакладаліся на нямецкую, чэскую, украінскую, баўгарскую, славенскую мовы.
