Аляксандар Лукашэнка 24-25 кастрычніка наведае з афіцыйным візытам Казахстан, паведамляе прэсавая служба кіраўніка краіны.
У Нур-Султане Аляксандар Лукашэнка правядзе перамовы са сваім калегам Касым-Жамартам Такаевым.
На сустрэчах вузкім і шырокім складам плянуецца абмеркаваць магчымасьці пашырэньня гандлёва-эканамічнага ўзаемадзеяньня: прамысловую каапэрацыю, супрацу ў сельскай гаспадарцы, транспарце, лягістыцы, нафтахімічным комплексе, сфэры высокіх тэхналёгій.
ГЛЯДЗІЦЕ ТАКСАМА: Беларусь зацікавілася нафтай з Казахстану. Меркаваны аб’ём — 3,5 мільёна тон на годУ гэтыя ж дні ў Нур-Султане адбудзецца казахстанска-беларускі бізнэс-форум, а таксама заплянавана адкрыцьцё новага комплексу беларускай дыпмісіі.
Напярэдадні візыту Аляксандар Лукашэнка даў інтэрвію казахстанскаму агенцтву «Хабар», піша БелТА. Зьмест размовы пакуль не абнародуецца.
Сёлета ў траўні Лукашэнка ўжо езьдзіў у Казахстан — на юбілейны саміт Эўразійскага эканамічнага саюзу. Там ён сярод іншага сустрэўся з Такаевым, падарыў яму беларускія прадукты і атрымаў ордэн Елбасы.
ГЛЯДЗІЦЕ ТАКСАМА: Шакалядка «Прэзыдэнт», тураўскі сыр. Якія прадукты Лукашэнка падарыў прэзыдэнту Казахстану