Абвешчана перамір'е. Апазыцыя выставіла Януковічу ультыматум

23 студзень 2014, 00:45

5 забітых і больш за 300 параненых. Колькасьць ахвяраў расьце. На Майдане абвясьцілі аб пачатку паўстаньня, узводзяць новыя барыкады і чакаюць штурму. Калі Януковіч ня згодзіцца на датэрміновыя выбары, апазыцыя абяцае ісьці ў атаку. Дамоўлена, што пад час перамоваў лідэраў трох апазыцыйных фракцый Вярхоўнай Рады абодва варагуючыя бакі спыняць актыўныя дзеяньні.

11:06 23.1.2014

Малебен на барыкадах

На вуліцы Грушэўскага шэсьць праваслаўных і грэка-каталіцкіх сьвятароў моляцца на паміж процілеглымі сіламі за спыненьне гвалту.

11:35 23.1.2014

Пасьля каменнага абстрэлу, спэцназ пайшоў у наступ

Мітынгоўцы падыходзяць бліжэй да шэрагаў спэцназу, актывізуюцца. Паміж імі і спэцназам мэтраў сто, некаторыя пратэстоўцы з камянямі ідуць у наступ, а потым вяртаюцца ў асноўны натоўп.

Спэцназ у адказ пайшоў у наступ.

11:45 23.1.2014

Клічко вядзе перамовы з афіцэрамі «Беркута»

Лідэр партыі «ЎДАР» Віталь Клічко гутарыць з афіцэрамі спэцназа «Беркут» у іх месцы дыслякацыі каля стадыёна «Дынама».

У суправаджэньні двух людзей ён прайшоў скрозь барыкаду з падпаленых аўтамабільных пакрышак і рушыў у шэрагі «Беркута».

Нягледзячы на гэта, баявыя дзеяньні на вуліцы Грушэўскага актывізаваліся. У мітынгоўцаў паляцелі газавыя гранаты, яны адказвалі камянямі.

12:09 23.1.2014

Сёньня ва Ўкраіне могуць адключыць інтэрнэт, тэлебачаньне, мабільную сувязь, -- паведамляе Espresso.TV

12:25 23.1.2014

Па мэдычную дапамогу зьвярнуліся 254 міліцыянта

Пасьля падзей на вуліцы Грушэўскага ў Кіеве за мэдыцынскай дапамогу зьвярнулася 254 праваахоўнікі. 104 з іх шпіталізаваны, паведамілі УНІАН у МУС Украіны.

12:37 23.1.2014

12:39 23.1.2014

12:41 23.1.2014

На Эўрапейскую плошчу зноў прыехала хуткая дапамога. Заносяць параненых.

13:18 23.1.2014

На час перамоваў апазыцыі і Януковіча абвешчана перамір’е. Лідэр украінскай партыі “Ўдар” Віталь Клічко прыйшоў на барыкады і распавёў пра вынікі сваіх перамоваў з афіцэрамі “Беркута”.
Па-першае, дамовіліся, што пад час перамоваў лідэраў трох апазыцыйных фракцый Вярхоўнай Рады абодва варагуючыя бакі спыняць актыўныя дзеяньні. Перамовы заплянаваныя а 12-й гадзіне кіеўскага часу. Тым часам пажарныя маюць загасіць палаючыя шыны на вуліцы Грушэўскага, але барыкады застануцца. Чытаць далей

13:58 23.1.2014

Сцэнар агрэсіі пішацца не ва Ўкраіне, — сацыёляг

13:59 23.1.2014

Заходнія СМІ: Захад бездапаможна назірае за Ўкраінай

13:59 23.1.2014

Ніна Жызьнеўская ня можа перавезьці цела сына празь мяжу

14:46 23.1.2014

«Беркут» ачышчае вуліцу Грушэўскага ад патушаных пакрышак, маніфэстанты не перашкаджаюць, як іх прасіў Віталь Клічко.

14:49 23.1.2014

На Майдане Незалежнасьці дзясяткі тысяч чалавек. Адбываецца вялікі малебен.

14:52 23.1.2014

Януковіч абяцаў ня ўводзіць надзвычайны стан

Прэзыдэнт Украіны Віктар Януковіч паабяцаў Прэзыдэнту Эўрапейскай Камісіі Жазэ Мануэлю Барозу ня ўводзіць ва Ўкраіне надзвычайнае становішча.

Як перадае ўласны карэспандэнт УНІАН з Брусэля, пра гэта прадстаўнік Эўракамісіі Аліўе Баі паведаміў на брыфінгу, інфармуючы журналістаў аб тэлефоннай размове прэзыдэнтаў.