23 сьнежня ў Менску мусіць распачацца суд над вядомым беларускім палітычным і грамадзкім дзеячом Міхаілам Марынічам. Абараняць яго на гэтым працэсе будзе адвакат Вера Страмкоўская. За дзень да пачатку разгляду справы прэзыдыюм сталічнай калегіі адвакатаў аднагалосна аб’явіў спадарыні Страмкоўскай суровую вымову.
У рашэньні прэзыдыюму запісана, што гэта зроблена за грубае парушэньне правілаў адвакацкай этыкі, якое зьвязана з карэспандэнцыяй Міхаіла Марыніча. Вось як тлумачыць сытуацыю адвакат Страмкоўская:
(Страмкоўская: ) “Падставай паслужылі лісты Марыніча, ягоная карэспандэнцыя і менавіта зварот Пракуратуры Рэспублікі Беларусь на падставе звароту КГБ, які паступіў у Міністэрства юстыцыі, а таксама Рэспубліканскую калегію адвакатаў”.
Я спытаўся Веру Страмкоўскую, ці бачыць яна нейкую сувязь паміж спагнаньнем і пачаткам судовага працэсу.
(Страмкоўская: ) “Натуральна. Гэта ўсё робіцца зараз таму, што ідзе такая падрыхтоўка да разгляду справы. І я лічу, што гэта ўваходзіць у адзін сцэнар разгляду гэтай справы”.
Адвакат Міхаіла Марыніча паведаміла, што ягоная абарона цалкам падрыхтаваная да пачатку судовага працэсу.
Нагадаю, што Міхаіл Марыніч ужо амаль 8 месяцаў утрымліваецца ў ізалятары КГБ.
У рашэньні прэзыдыюму запісана, што гэта зроблена за грубае парушэньне правілаў адвакацкай этыкі, якое зьвязана з карэспандэнцыяй Міхаіла Марыніча. Вось як тлумачыць сытуацыю адвакат Страмкоўская:
(Страмкоўская: ) “Падставай паслужылі лісты Марыніча, ягоная карэспандэнцыя і менавіта зварот Пракуратуры Рэспублікі Беларусь на падставе звароту КГБ, які паступіў у Міністэрства юстыцыі, а таксама Рэспубліканскую калегію адвакатаў”.
Я спытаўся Веру Страмкоўскую, ці бачыць яна нейкую сувязь паміж спагнаньнем і пачаткам судовага працэсу.
(Страмкоўская: ) “Натуральна. Гэта ўсё робіцца зараз таму, што ідзе такая падрыхтоўка да разгляду справы. І я лічу, што гэта ўваходзіць у адзін сцэнар разгляду гэтай справы”.
Адвакат Міхаіла Марыніча паведаміла, што ягоная абарона цалкам падрыхтаваная да пачатку судовага працэсу.
Нагадаю, што Міхаіл Марыніч ужо амаль 8 месяцаў утрымліваецца ў ізалятары КГБ.
