Антытэрарыстычнае падразьдзяленьне Скотлянд-Ярду выявіла сьляды радыяцыі ў пяці месцах ў Лёндане, дзе 1 лістапада Літвіненка пабываў перад тым, як адчуў рэзкае пагаршэньне здароўя. Восем чалавек былі накіраваныя на абсьледаваньне, паколькі знаходзілся ў месцах, дзе выяўленыя сьляды радыёактыўнага палёнію- 210. Прадпрымальнік Барыс Беразоўскі заявіў, што, рассакрэціўшы плян расейскіх службаў бясьпекі забіць яго, Літвіненка выратаваў яму жыцьцё. “Я глыбока засмучаны сьмерцю свайго сябра”, - сказаў Беразоўскі. Ён адзначыў, што “аддае даніну павагі мужнасьці, рашучасьці й гонару” былога афіцэра ФСБ Аляксандра Літвіненкі. Раней Беразоўскі абвінаваціў ў сьмерці Літвіненкі рэжым Уладзіміра Пуціна і выказаў спадзяваньне, што Скотлянд-Ярд правядзе “усебаковае і прафэсійнае рассьледваньне”.
Лёнданская паліцыя дапытала італьянскага экспэрта ў галіне бясьпекі Марыё Скарамэля, які 1 лістапада сустракаўся зь Літвіненкам ў сушы-бары. Скарамэля таксама прыбыў ў Лёндан, каб прайсьці абсьледваньне на наяўнасьць радыцыі. Паводле Скарамэля, Літвіненка прызнаўся яму, што 6 гадоў таму яму ўдалося распрацаваць кантрабандныя пастаўкі ядзерных матэрыялаў з Расеі ў Цурых. Аднак іншы сябра Літвіненкі Гольдфарб заявіў, што яму нічога не вядома пра кантрабанду ядзерных матэрыялаў з удзелам службы бясьпекі.
Яшчэ ўсплыла на паверхню загадкавая хвароба былога прэм’ера Расеі Ягора Гайдара, якую некаторыя тлумачаць атручэньнем. Дачка палітыка Марыя Гайдар паведаміла, што бацька выключае магчымасьць заказнога атручэньня і сама яна ў гэтым ня ўпэўненая.
(Гайдар: ) "Я шчыра магу вам сказаць, што я проста ўстрывожаная, я хвалююся, але я б не рабіла нейких пасьпешлівых высноваў на гэты конт. Я чакаю мэдыцынскай экспэртызы і толькі пасьля гэтага я буду гатовая пра гэта думаць".
Прэс-сакратар Гайдара Валеры Натараў адрынуў вэрсію аб атручэньні свайго начальніка. Ён заклікаў не ствараць з пагаршэньня стану здароўя Гайдара “яшчэ адну псэўдасэнсацыю з радыёактыўнымі ізатопамі”. Тым ня меней прадстаўнік палітрады Саюзу правых сілаў Леанід Гозман заявіў, што аднапартыйцы Гайдара вырашылі правесьці ўласнае рассьледваньне прычын нечаканага пагаршэньня здароўя аднаго з сваіх лідэраў. 24 лістапада ў часе канфэрэнцыі ва ўнівэрсытэце ў Дубліне Гайдар адчуў сябе дрэнна і быў вымушаны пакінуць залю. Ён ванітаваў, з носа цякла кроў, а затым ён страціў прытомнасьць. Гайдар патлумачыў, што пасьля сьняданьня недалёка ад Дубліну ён ўпаў і ня мог паварушыць ані рукой, ані нагой. Затым ён быў шпіталізаваны, але ірляндзкія лекары не былі здольныя патлумачыць прычыны хваробы. Гайдар вярнуўся ў Расею, дзе прайшоў мэдычнае абсьледваньне і, як сам кажа, цяпер адчувае сябе нармальна.
Прэм’ер Вялікай Брытаніі Тоні Блэр заявіў, што “сьмерць Літвіненкі -вельмі сур’ёзная праблема. “Мы маем рашучы намер высьветліць, што адбылося і хто за гэта адказны”. У пятніцу мае адбыцца анатамаваньне цела Літвіненкі.
Лёнданская паліцыя дапытала італьянскага экспэрта ў галіне бясьпекі Марыё Скарамэля, які 1 лістапада сустракаўся зь Літвіненкам ў сушы-бары. Скарамэля таксама прыбыў ў Лёндан, каб прайсьці абсьледваньне на наяўнасьць радыцыі. Паводле Скарамэля, Літвіненка прызнаўся яму, што 6 гадоў таму яму ўдалося распрацаваць кантрабандныя пастаўкі ядзерных матэрыялаў з Расеі ў Цурых. Аднак іншы сябра Літвіненкі Гольдфарб заявіў, што яму нічога не вядома пра кантрабанду ядзерных матэрыялаў з удзелам службы бясьпекі.
Яшчэ ўсплыла на паверхню загадкавая хвароба былога прэм’ера Расеі Ягора Гайдара, якую некаторыя тлумачаць атручэньнем. Дачка палітыка Марыя Гайдар паведаміла, што бацька выключае магчымасьць заказнога атручэньня і сама яна ў гэтым ня ўпэўненая.
(Гайдар: ) "Я шчыра магу вам сказаць, што я проста ўстрывожаная, я хвалююся, але я б не рабіла нейких пасьпешлівых высноваў на гэты конт. Я чакаю мэдыцынскай экспэртызы і толькі пасьля гэтага я буду гатовая пра гэта думаць".
Прэс-сакратар Гайдара Валеры Натараў адрынуў вэрсію аб атручэньні свайго начальніка. Ён заклікаў не ствараць з пагаршэньня стану здароўя Гайдара “яшчэ адну псэўдасэнсацыю з радыёактыўнымі ізатопамі”. Тым ня меней прадстаўнік палітрады Саюзу правых сілаў Леанід Гозман заявіў, што аднапартыйцы Гайдара вырашылі правесьці ўласнае рассьледваньне прычын нечаканага пагаршэньня здароўя аднаго з сваіх лідэраў. 24 лістапада ў часе канфэрэнцыі ва ўнівэрсытэце ў Дубліне Гайдар адчуў сябе дрэнна і быў вымушаны пакінуць залю. Ён ванітаваў, з носа цякла кроў, а затым ён страціў прытомнасьць. Гайдар патлумачыў, што пасьля сьняданьня недалёка ад Дубліну ён ўпаў і ня мог паварушыць ані рукой, ані нагой. Затым ён быў шпіталізаваны, але ірляндзкія лекары не былі здольныя патлумачыць прычыны хваробы. Гайдар вярнуўся ў Расею, дзе прайшоў мэдычнае абсьледваньне і, як сам кажа, цяпер адчувае сябе нармальна.
Прэм’ер Вялікай Брытаніі Тоні Блэр заявіў, што “сьмерць Літвіненкі -вельмі сур’ёзная праблема. “Мы маем рашучы намер высьветліць, што адбылося і хто за гэта адказны”. У пятніцу мае адбыцца анатамаваньне цела Літвіненкі.
