Прафэсар лёнданскага "University College Hospital" Роджэр Кокс паведаміў, што ў мачы Аляксандра Літвіненкі, які памёр у чацьвер увечары, знойдзеная вялікая колькасьць палёнію – моцнага радыяактыўнага элемэнту, які выклікае рак.
“У выніку дасьледаваньняў высьветлілася, што ў целе Літвіненкі ёсьць даволі вялікая колькасьць ізатопу палёнію 210. Невядома яшчэ, як гэты хімічны элемэнт туды патрапіў. Гэтым займаецца паліцыя”, – гаворыцца ў заяве брытанскага Агенцтва аховы здароўя.
Кіраўнік паліцыі Пэт Троп патлумачыў у часе прэсавай канфэрэнцыі, што вялікая колькасьць палёнію ў арганізьме сьведчыць аб тым, што ён мог трапіць туды разам зь ежай, шляхам інгаляцыі ці праз рану.
Скотланд Ярд адкрыў адмысловую тэлефонную лінію для асобаў, якія мелі кантакт з Аляксандрам Літвіненкам ці гатавалі ежу, якую ён спажываў апошнім часам, ды зьвярнуўся да гэтых людзей з просьбай даць паказаньні, якія маглі б дапамагчы сьледзтву. Антытэрарысты праглядаюць таксама запісы з камэраў, што ўсталяваныя на вуліцах, дзе мог хадзіць Літвіненка.
Сваякі і сябры былога супрацоўніка КГБ і ФСБ заяўляюць, што ягоная сьмерць – гэта справа расейскіх спэцслужбаў, якія, перадусім, не хацелі дапусьціць, каб Літвіненка займаўся справай забітай расейкай журналісткі Ганны Паліткоўскай ды сытуацыяй у Чачні.
Між тым прадстаўнікі расейскіх уладаў і дзяржаўных мэдыяў абвінавацілі бізнэсмэна Барыса Беразоўскага ва ўдзеле ў атручваньні Літвіненкі, якое, на іхную думку, зьяўляецца “часткай варожай змовы супраць Расеі”.
“Для расейскай выведкі і ўласна для Расеі сьмерць Аляксандра Літвіненкі ня мае ніякага значэньня. Ані Крэмль, ані выведка ня мелі ніякіх падставаў, каб гэта рабіць. Таму я лічу, што гэта наступства нейкай гульні Беразоўскага”, – заявіў у перадачы першага каналу расейскага тэлебачаньня дэпутат расейскай Дзярждумы Валеры Далаценка. Таксама іншы дэпутат Думы з праўрадавай партыі “Адзіная Расея” Канстанцін Касачоў заявіў, што ў дадзеным выпадку “мы маем дачыненьне з акцыяй супраць сучаснай Расеі”.
А паводле дарадцы Ўладзіміра Пуціна Сяргея Ястржэмбскага “нехта спрабуе дыскрэдытаваць Крэмль, забіваючы ягоных крытыкаў”.
Між тым у часе саміту Расея-Эўразьвяз у Фінляндыі прэзыдэнт Расеі Ўладзімір Пуцін на пытаньне пра забойства Ганны Паліткоўскай пачаў абвінавачваць Захад у тым, што там таксама забіваюць людзей:
(Пуцін: ) "Мы не павінны забываць аб злачынствах такога кшталту ня толькі ў Расеі, але і ў эўрапейскіх краінах ёсьць гучныя палітычныя забойствы, якія да сёньняшняга дня не раскрытыя. І гэта наша агульная праблема. А калі мы паглядзім, што адбываецца ў некаторых краінах Эўразьвязу з мафіяй, якая не ў адзінкавым выпадку, а на сталай аснове зьнішчае прадстаўнікоў праваахоўчых органаў, судзьдзяў, пракурораў, сьледчых, журналістаў, палітычных дзеячоў? Гэтых мафіёзі ловяць у эўрапейскіх краінах дзесяцігодзьдзямі...", – сказаў Уладзімір Пуцін.
На здымку: Аляксандар Літвіненка да й пасьля атручэньня.
Палёній – радыяактыўны элемэнт, адкрыты П’ерам Кюры і Марыяй Кюры-Складоўскай ва ўранавай рудзе ў 1898 годзе. Першы ўзор палёнію, які зьяўляецца адным з найбольш небясьпечных радыяактыўных элемэнтаў, быў выдзелены ў 1910 годзе. Выкарыстоўваецца для стварэньня кампактных і вельмі моцных нэўтронных крыніцаў. У арганізьме кожнага чалавека ёсьць крыху гэтага элемэнту. Вялікая колькасьць палёнію хутка выклікае рак.
“У выніку дасьледаваньняў высьветлілася, што ў целе Літвіненкі ёсьць даволі вялікая колькасьць ізатопу палёнію 210. Невядома яшчэ, як гэты хімічны элемэнт туды патрапіў. Гэтым займаецца паліцыя”, – гаворыцца ў заяве брытанскага Агенцтва аховы здароўя.
Кіраўнік паліцыі Пэт Троп патлумачыў у часе прэсавай канфэрэнцыі, што вялікая колькасьць палёнію ў арганізьме сьведчыць аб тым, што ён мог трапіць туды разам зь ежай, шляхам інгаляцыі ці праз рану.
Скотланд Ярд адкрыў адмысловую тэлефонную лінію для асобаў, якія мелі кантакт з Аляксандрам Літвіненкам ці гатавалі ежу, якую ён спажываў апошнім часам, ды зьвярнуўся да гэтых людзей з просьбай даць паказаньні, якія маглі б дапамагчы сьледзтву. Антытэрарысты праглядаюць таксама запісы з камэраў, што ўсталяваныя на вуліцах, дзе мог хадзіць Літвіненка.
Сваякі і сябры былога супрацоўніка КГБ і ФСБ заяўляюць, што ягоная сьмерць – гэта справа расейскіх спэцслужбаў, якія, перадусім, не хацелі дапусьціць, каб Літвіненка займаўся справай забітай расейкай журналісткі Ганны Паліткоўскай ды сытуацыяй у Чачні.
Між тым прадстаўнікі расейскіх уладаў і дзяржаўных мэдыяў абвінавацілі бізнэсмэна Барыса Беразоўскага ва ўдзеле ў атручваньні Літвіненкі, якое, на іхную думку, зьяўляецца “часткай варожай змовы супраць Расеі”.
“Для расейскай выведкі і ўласна для Расеі сьмерць Аляксандра Літвіненкі ня мае ніякага значэньня. Ані Крэмль, ані выведка ня мелі ніякіх падставаў, каб гэта рабіць. Таму я лічу, што гэта наступства нейкай гульні Беразоўскага”, – заявіў у перадачы першага каналу расейскага тэлебачаньня дэпутат расейскай Дзярждумы Валеры Далаценка. Таксама іншы дэпутат Думы з праўрадавай партыі “Адзіная Расея” Канстанцін Касачоў заявіў, што ў дадзеным выпадку “мы маем дачыненьне з акцыяй супраць сучаснай Расеі”.
А паводле дарадцы Ўладзіміра Пуціна Сяргея Ястржэмбскага “нехта спрабуе дыскрэдытаваць Крэмль, забіваючы ягоных крытыкаў”.
Між тым у часе саміту Расея-Эўразьвяз у Фінляндыі прэзыдэнт Расеі Ўладзімір Пуцін на пытаньне пра забойства Ганны Паліткоўскай пачаў абвінавачваць Захад у тым, што там таксама забіваюць людзей:
(Пуцін: ) "Мы не павінны забываць аб злачынствах такога кшталту ня толькі ў Расеі, але і ў эўрапейскіх краінах ёсьць гучныя палітычныя забойствы, якія да сёньняшняга дня не раскрытыя. І гэта наша агульная праблема. А калі мы паглядзім, што адбываецца ў некаторых краінах Эўразьвязу з мафіяй, якая не ў адзінкавым выпадку, а на сталай аснове зьнішчае прадстаўнікоў праваахоўчых органаў, судзьдзяў, пракурораў, сьледчых, журналістаў, палітычных дзеячоў? Гэтых мафіёзі ловяць у эўрапейскіх краінах дзесяцігодзьдзямі...", – сказаў Уладзімір Пуцін.
На здымку: Аляксандар Літвіненка да й пасьля атручэньня.
Палёній – радыяактыўны элемэнт, адкрыты П’ерам Кюры і Марыяй Кюры-Складоўскай ва ўранавай рудзе ў 1898 годзе. Першы ўзор палёнію, які зьяўляецца адным з найбольш небясьпечных радыяактыўных элемэнтаў, быў выдзелены ў 1910 годзе. Выкарыстоўваецца для стварэньня кампактных і вельмі моцных нэўтронных крыніцаў. У арганізьме кожнага чалавека ёсьць крыху гэтага элемэнту. Вялікая колькасьць палёнію хутка выклікае рак.
