На Магілёўшчыне сярод апазыцыйных партыйных арганізацыяў найбольш зарэгістраваных ініцыятыўных групаў у апазыцыйных камуністаў. Амаль поруч зь імі — Партыя БНФ, Аб’яднаная грамадзянская партыя ды Беларуская сацыял-дэмакратычная партыя (Грамада).
У Шклоўскім раёне зарэгістраваны ініцыятыўныя групы кіраўніка абласной арганізацыі Партыі БНФ Рыгора Кастусёва, які балятуецца ў Магілёўскі аблсавет, а таксама рэдактара незалежнай газэты “Шклоўскія навіны” Аляксандра Шчарбака, які змагаецца за месца ў Шклоўскім райсавеце.
У Дрыбінскім раёне зарэгістравалі тры ініцыятыўныя групы, сярод іх і групу былога дырэктара саўгасу “Дрыбінскі” Мікалая Юркова, які прэтэндуе на месца ў аблсавеце.
У Бабруйску з барацьбы за дэпутацтва выбыў толькі дэпутат гарсавету Алесь Чыгір — ён будзе чакаць разгляду сваіх скаргаў. Свае ініцыятыўныя групы зарэгістравалі апазыцыйны дэпутат гарсавету Вячаслаў Сьвізуноў, а таксама старшыня суполкі Свабоднага прафсаюзу Міхаіл Кавалькоў. Яны імкнуцца атрымаць месца ў аблсавеце.
У Магілёве лёс ініцыятыўных групаў кіраўніка абласной арганізацыі АГП Уладзімера Шанцава ды выканаўчага дырэктара Магілёўскай выбарчай кааліцыі Аляксандра Сілкова невядомы. У выбарчых камісіях адмаўляюцца даваць зьвесткі. Уладзімер Шанцаў і Аляксандар Сілкоў знаходзяцца ў замежнай камандзіроўцы.
У Магілёве адмовілі ў рэгістрацыі ініцыятыўнай групы намесьніку старшыні гарадзкой арганізацыі “Грамадзянскі форум” Сяргею Лапуціну.
У Шклоўскім раёне зарэгістраваны ініцыятыўныя групы кіраўніка абласной арганізацыі Партыі БНФ Рыгора Кастусёва, які балятуецца ў Магілёўскі аблсавет, а таксама рэдактара незалежнай газэты “Шклоўскія навіны” Аляксандра Шчарбака, які змагаецца за месца ў Шклоўскім райсавеце.
У Дрыбінскім раёне зарэгістравалі тры ініцыятыўныя групы, сярод іх і групу былога дырэктара саўгасу “Дрыбінскі” Мікалая Юркова, які прэтэндуе на месца ў аблсавеце.
У Бабруйску з барацьбы за дэпутацтва выбыў толькі дэпутат гарсавету Алесь Чыгір — ён будзе чакаць разгляду сваіх скаргаў. Свае ініцыятыўныя групы зарэгістравалі апазыцыйны дэпутат гарсавету Вячаслаў Сьвізуноў, а таксама старшыня суполкі Свабоднага прафсаюзу Міхаіл Кавалькоў. Яны імкнуцца атрымаць месца ў аблсавеце.
У Магілёве лёс ініцыятыўных групаў кіраўніка абласной арганізацыі АГП Уладзімера Шанцава ды выканаўчага дырэктара Магілёўскай выбарчай кааліцыі Аляксандра Сілкова невядомы. У выбарчых камісіях адмаўляюцца даваць зьвесткі. Уладзімер Шанцаў і Аляксандар Сілкоў знаходзяцца ў замежнай камандзіроўцы.
У Магілёве адмовілі ў рэгістрацыі ініцыятыўнай групы намесьніку старшыні гарадзкой арганізацыі “Грамадзянскі форум” Сяргею Лапуціну.
