Як вынікае з дакумэнтаў, якія мае ў сваім распараджэньні «Позірк», справа ўзбуджана па артыкулах аб «падбухторваньні да забойства» і «дзейнасьці замежных спэцслужбаў».
Дакумэнт аб пачатку расьсьледаваньня Латушка атрымаў з пракуратуры Лодзі.
«Паводле неафіцыйнай інфармацыі зь сілавых структур Польшчы, якую я маю, з пачатку году было прадухілена дзьве пагрозы ў адносінах да мяне на польскай тэрыторыі», — заявіў у камэнтары «Позірку» Павал Латушка.
Іншых падрабязнасьцяў палітык ня ведае.
На наступным тыдні, паводле слоў Латушкі, ён «афіцыйна запрошаны ў Лодзь на сустрэчу з пракурорам».
«Апошнім часам мы фіксуем актывізацыю спробаў ціску на канкрэтных сябраў каманды „Народнага антыкрызіснага ўпраўленьня“ з боку асобаў, якія прадстаўляюцца супрацоўнікамі КДБ. Яны ўжываюць мэтады подкупу, шантажу, пагроз, рэпрэсій у дачыненьні да родных і блізкіх чальцоў нашай каманды. У нас зафіксаваныя доказы гэтых дзеяньняў», — сказаў кіраўнік НАУ.
Форум